تالدىقورعاندا «اتاجۇرت» قوزعالىسىنا قاتىستى قىلمىستىق ءىس بويىنشا سوت ۇكىمى جاريالاندى، دەپ حابارلايدى "ادىرنا" ۇلتتىق پورتالى.
ءىس بويىنشا بارلىعى 19 ادام قازاقستان رەسپۋبليكاسىنىڭ قىلمىستىق كودەكسىنىڭ 174-بابى («ۇلتارالىق ارازدىقتى قوزدىرۋ») بويىنشا ايىپتالعان.
سوت بارلىق ايىپتالۋشىلاردى كىنالى دەپ تانىپ، ولارعا ءتۇرلى جازا تاعايىندادى. ءبىر بولىگىنە 5 جىلعا باس بوستاندىعىنان ايىرۋ جازاسى بەرىلسە، كەيبىرىنە باس بوستاندىعىن شەكتەۋ تۇرىندەگى جازا قولدانىلدى. سونداي-اق بارلىق سوتتالعاندارعا 3 جىل مەرزىمگە قوعامدىق-ساياسي قىزمەتپەن اينالىسۋعا تىيىم سالىندى.
ءىس ماتەريالدارىنا سايكەس، وقيعا 2025 جىلدىڭ قاراشاسىندا الماتى وبلىسى اۋماعىندا وتكەن نارازىلىق اكتسياسىنان كەيىن باستالعان. سول كەزدە بەلسەندىلەر قىتايعا قارسى ۇراندار ايتىپ، قىتاي تۋى مەن قحر باسشىسىنىڭ بەينەسىن ورتەگەنى حابارلانعان.
وسىدان كەيىن قۇقىق قورعاۋ ورگاندارى بەلسەندىلەرگە قاتىستى قىلمىستىق ءىس قوزعاپ، تەرگەۋ جۇرگىزگەن.
قۇقىق قورعاۋشىلار مەن ساراپشىلار اراسىندا بۇل ىسكە قاتىستى پىكىرلەر ءارتۇرلى. كەيبىر قۇقىق قورعاۋشىلار بەلسەندىلەردىڭ قۋدالانۋىنىڭ ارتىندا سىرتقى ىقپال، سونىڭ ىشىندە قىتاي فاكتورى بولۋى مۇمكىن دەگەن بولجام ايتسا، رەسمي ورگاندار سوت شەشىمىن قىلمىستىق زاڭناما اياسىنداعى ءىس دەپ باعالايدى.
ايىپتالۋشىلار مەن ولاردىڭ جاقتاستارى سوت ۇكىمىمەن كەلىسپەيتىنىن ءبىلدىرىپ، شەشىمگە شاعىمداناتىنىن مالىمدەگەن.
