قىتايدىڭ وردوس قالاسىندا ءوتىپ جاتقان دزيۋدودان ازيا چەمپيوناتىندا قازاقستاندىق ءتورت سپورتشى قولا مەدال ءۇشىن تاتاميگە شىعادى، دەپ حابارلايدى "ادىرنا" ۇلتتىق پورتالى.
بۇل تۋرالى قر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى حابارلادى.
جارتىلاي فينالعا دەيىن جەتكەن نۇرلىحان شارحان فينالعا ءبىر قادام قالعاندا ءباا وكىلى دجافار كوستوەۆقا ەسە جىبەردى. ەندى ول قولا جۇلدە ءۇشىن قىتايلىق فۋچۋن حۋانگپەن بەلدەسەدى.
سونداي-اق جۇبانىش كەزەڭىندە ءساتتى ونەر كورسەتكەن تاعى ءۇش وتانداسىمىز دا جۇلدە ءۇشىن كۇرەسەدى. ايدار اراپوۆ قىتايلىق پەنگ-يۋ چەمەن، ارۋنا جانگەلدينا – ۆان سيۋيحۋەيمەن، ايدا تويشىبەكوۆا تاجىك سپورتشىسى ۆيكتوريا كيسەليوۆامەن بەلدەسەدى.
كەزدەسۋلەر استانا ۋاقىتىمەن ساعات 13:00-دە باستالادى.
ۇقساس جاڭالىقتار
