ەردوعان: ۋكراينا-رەسەي سوعىسىندا ەشكىم جەڭىمپاز بولمايدى

2008
Adyrna.kz Telegram

تۇركيا پرەزيدەنتى رەجەپ تايىپ ەردوعان رەسەي پرەزيدەنتى ۆلاديمير پۋتينگە ۋكراينا-رەسەي سوعىسىندا ەشكىم جەڭىمپاز بولمايتىنىن ايتىپ، تۇركيادا ۋكراينا باسشىسى ۆلاديمير زەلەنسكيمەن كەزدەسۋ وتكىزۋدى ۇسىندى، دەپ جازادى "ادىرنا" ۇلتتىق پورتالى. 

"مەن ۋكرايناداعى سوعىستا ەشكىم جەڭىمپاز بولمايتىنىن باسىنان-اق ايتتىم. قيىندىقتارعا قاراماستان، مەن داعدارىس كەلىسسوزدەر ۇستەلىندە شەشىلەدى دەپ سەنەمىن.مەن پۋتين مىرزاعا ونىڭ زەلەنسكي مىرزامەن كەزدەسۋىن ۇيىمداستىرا الاتىنىمىزدى تاعى ءبىر مارتە ەسكە سالدىم. ءبىز ايماقتىق جانە جاھاندىق الەمگە ءوز ۇلەسىمىزدى قوسۋ ءۇشىن قارا تەڭىز جاعىنداعى كورشىمىزبەن،  رەسەيمەن بارلىق سالاداعى ديالوگتى دامىتۋدى جالعاستىرامىز. مەن قۇدايدان سوچيدەگى كەزدەسۋلەرىمىز ءبىزدىڭ ايماق ءۇشىن، اسىرەسە تۇركيا مەن رەسەي ءۇشىن پايدالى بولۋىن سۇراپ، دۇعا ەتەمىن", – دەدى ەردوعان.

"ادىرنا" ۇلتتىق پورتالى

پىكىرلەر