بۇگىن، 6 مامىردا جاڭالىقتار يندۋسترياسىن وزگەرتىپ، CNN تەلەارناسىن قۇرعان بەلگىلى كاسىپكەر، فيلانتروپ تەد تەرنەر 88 جاسقا قاراعان شاعىندا قايتىس بولدى. بۇل تۋرالى Turner Enterprisesجازدى، دەپ حابارلايدى «ادىرنا» ءتىلشىسى.
تەرنەر 1980 جىلى العاشقى تاۋلىك بويى حابار تاراتاتىن جاڭالىقتار ارناسى — Cable News Network-ءدى ىسكە قوسىپ، ءداستۇرلى تەلەحابار تاراتۋ جۇيەسىنە تۇبەگەيلى وزگەرىس اكەلگەن ەدى. ارنا 1990–1991 جىلدارداعى پارسى شىعاناعىنداعى سوعىس وقيعالارىن جاريالاۋ ارقىلى الەمگە كەڭىنەن تانىلدى.
كوپتەگەن جۋرناليست باعداتتان كەتىپ جاتقاندا، CNN قالادا قالىپ، سوعىستىڭ باستالۋىن تىكەلەي ەفيردە كورسەتكەن. ارنا تىلشىلەرى كەڭەس وداعىنىڭ ىدىراۋى مەن تيانانمەن الاڭىنداعى وقيعالار سياقتى ءىرى تاريحي ساتتەردەن تىكەلەي رەپورتاجدار جۇرگىزگەن.
ونىڭ تەلەديدارلىق يمپەرياسى CNN-مەن شەكتەلمەي، TBS, TNT, Turner Classic Movies جانە Cartoon Network سياقتى ويىن-ساۋىق جانە سپورت ارنالارىنىڭ جەلىسىن قامتىدى. 1991 جىلى Timeجۋرنالى ونى الەمدىك وقيعالارعا ىقپالى جانە جاڭا اقپاراتتىق كەڭىستىكتى قالىپتاستىرعانى ءۇشىن «جىل ادامى» دەپ اتادى.
