قىتايدىڭ اسكەري سوتى قىتاي كوممۋنيستىك پارتياسى ورتالىق اسكەري كەڭەسىنىڭ بۇرىنعى مۇشەلەرى ءارى بۇرىنعى قورعانىس مينيسترلەرى ۆەي فەنحە جانە لي شانفۋدى ءولىم جازاسىنا كەستى، دەپ حابارلايدى "ادىرنا" ۇلتتىق پورتالى ria-عا سىلتەپ.
سوت ەكى شەنەۋنىكتى دە پارا العانى ءۇشىن كىنالى دەپ تانىپ، ءولىم جازاسىنا كەستى. الايدا سوت شەشىمىمەن جازانىڭ ورىندالۋى ەكى جىلعا كەيىنگە قالدىرىلدى.
Ria دەرەگىنشە، ەكى ەكس-مينيستر دە ءومىر بويى ساياسي قۇقىقتارىنان ايىرىلىپ، جەكە مۇلىكتەرى تولىق تاركىلەنەدى. ەگەر ەكى جىلدان كەيىن ءولىم جازاسى ورىندالماسا، ول ءومىر بويى باس بوستاندىعىنان ايىرۋ جازاسىمەن الماستىرىلادى. بۇل جاعدايدا ولار مەرزىمىنەن بۇرىن بوساتىلمايدى جانە جازا مەرزىمى قىسقارتىلمايدى.
ۆەي فەنحە بۇعان دەيىن قىتاي حالىق-ازاتتىق ارمياسىنىڭ زىمىران كۇشتەرى باعىتى مەن ورتالىق اسكەري كەڭەستەگى جوعارى لاۋازىمداردى اتقارعان. ول 2017 جىلى قكپ XIX سەزىنەن كەيىن قورعانىس ءمينيسترى قىزمەتىنە تاعايىندالعان.
ال لي شانفۋ 2023 جىلى قورعانىس ءمينيسترى قىزمەتىنە كوتەرىلگەنگە دەيىن قىتاي ارمياسىنىڭ سپۋتنيك ورتالىعى مەن قارۋ-جاراق جۇيەلەرىن دامىتۋ قۇرىلىمدارىندا باسشىلىق قىزمەتتەر اتقارعان. سول جىلى شىلدە ايىندا ول قوعامدىق ومىردەن جوعالىپ، كەيىن «پارتيا ءتارتىبى مەن زاڭدى بۇزدى» دەگەن ايىپپەن تەرگەۋگە الىنعان.
