الماتىدا پانفيلوۆشىلار شىڭىنا ۇيىمداستىرىلعان جاپپاي الپينيادا كەزىندە قاتىسۋشىلاردىڭ ءبىرىنىڭ جاعدايى كۇرت ناشارلاپ، ونى قۇتقارۋ ءۇشىن تىكۇشاق جۇمىلدىرىلدى، دەپ حابارلايدى "ادىرنا" ۇلتتىق پورتالى.
تجم حابارلاۋىنشا، وقيعا 4120 مەتر بيىكتىكتە ورنالاسقان 28 گۆاردياشىل-پانفيلوۆشىلار شىڭىندا بولعان. الدىن الا مالىمەت بويىنشا، 2008 جىلى تۋعان الپينيستكە جەدەل تاۋ اۋرۋى مەن وكپە ءىسىنۋى دياگنوزى قويىلعان. ءىس-شارا بارىسىندا قاۋىپسىزدىكتى قامتاماسىز ەتكەن الماتى قالاسى توتەنشە جاعدايلار دەپارتامەنتى قۇتقارۋ قىزمەتىنىڭ ماماندارى زارداپ شەككەن ازاماتقا العاشقى مەديتسينالىق كومەك كورسەتىپ، ونى مانشۇك مامەتوۆا اتىنداعى №6 مورەنالىق كول اۋماعىنا دەيىن تۇسىرگەن.
ودان كەيىن قۇتقارۋ وپەراتسياسىنا تجم «بارىس» رەسپۋبليكالىق جەدەل-قۇتقارۋ جاساعى مەن قازاۆياقۇتقارۋ تىكۇشاعى تارتىلدى. دارىگەرلەردىڭ مالىمەتىنشە، زارداپ شەككەن ازاماتتىڭ جاعدايى ورتاشا اۋىر دەپ باعالانىپ وتىر. قازىرگى ۋاقىتتا ونىڭ ەسى انىق.
