ماڭعىستاۋدا ىبىقتى ساي شاتقالىنداعى تاس جادىگەرگە ءوز اتى-ءجونى مەن اۆتوكولىك ءنومىرىن جازعان ازامات قاماۋعا الىندى، دەپ حابارلايدى "ادىرنا" ۇلتتىق پورتالى Polisia.kz-كە سىلتەپ.
پوليتسيانىڭ مالىمەتىنشە، قۇقىق بۇزۋشىلىق الەۋمەتتىك جەلىلەرگە جۇرگىزىلگەن مونيتورينگ بارىسىندا انىقتالعان. كەيىن كۇدىكتىنىڭ ماڭعىستاۋ وبلىسىنىڭ 21 جاستاعى تۇرعىنى ەكەنى بەلگىلى بولدى.
ۆەدومستۆو دەرەگىنە سايكەس، اتالعان فاكتى بويىنشا ۆانداليزم بابى بويىنشا قىلمىستىق ءىس قوزعالعان. سوت شەشىمىمەن ازاماتقا 25 تاۋلىك مەرزىمگە اكىمشىلىك قاماۋ جازاسى تاعايىندالىپ، ول ۋاقىتشا ۇستاۋ يزولياتورىنا قامالعان.
قۇزىرلى ورگاندار تابيعي نىساندارعا، تاريحي-مادەني مۇرا وبەكتىلەرىنە جانە ەسكەرتكىشتەرگە جازۋ جازۋ نەمەسە زاقىم كەلتىرۋ زاڭمەن قاتاڭ تىيىم سالىناتىنىن ەسكەرتىپ، مۇنداي ارەكەتتەر اكىمشىلىك ءارى قىلمىستىق جاۋاپكەرشىلىككە اكەلەتىنىن مالىمدەدى.
