Forbes Kazakhstan قازاقستانداعى ەڭ جاس ميلليونەرلەردىڭ جاڭارتىلعان ءتىزىمىن جاريالادى، دەپ حابارلايدى "ادىرنا" ۇلتتىق پورتالى ازاتتىق راديوسىنا سىلتەپ.
اتالمىش رەيتينگكە كاسىپكەرلەر مەن ءىرى اكتيۆ يەلەرى ەندى. ولاردىڭ قاتارىندا ەكس-پرەزيدەنتتىڭ جيەنى ءنۇرالى اليەۆ پەن الماتىنىڭ بۇرىنعى اكىمى احمەتجان ەسىموۆتىڭ قىزى ايجان ەسىم دە بار.
Forbes Kazakhstan مالىمەتىنشە، 41 جاستاعى ءنۇرالى اليەۆتىڭ بايلىعى 280 ملن دوللار دەپ باعالانعان. ونىڭ اكتيۆتەرى قاتارىندا دۋبايداعى Donatello Hotels and Resorts جانە الماتىداعى Donatello Boutique Hotel قوناقۇيلەرى بار. تىزىمگە ەنگەن ايجان ەسىمنىڭ بايلىعى 207 ملن دوللار كولەمىندە باعالانعان. باسىلىم ونىڭ نەگىزگى كاپيتالى “قازفوسفاتتاعى” ۇلەسىن ساتۋدان كەيىن ارتقانىن جازادى.
سونىمەن قاتار رەيتينگكە ايجان ەسىمنىڭ بۇرىنعى جۇبايى عالىمجان ەسەنوۆ تە كىردى. Forbes دەرەگىنشە، ونىڭ بايلىعى 564 ملن دوللاردى قۇرايدى. بۇرىنعى Alatau City Bank يەسى قازىرگى ۋاقىتتا “ترانستەلەكوم” كومپانياسىنداعى جاناما ۇلەسىن ساتۋمەن اينالىسىپ جاتىر. رەيتينگتەگى ەڭ جاس ميلليونەر رەتىندە 35 جاستاعى شاحمۇرات ءمۇتالىپ اتالدى. ونىڭ ەسىمى Integra Construction KZ كومپانياسىمەن بايلانىستى. Forbes ونىڭ بايلىعىن 482 ملن دوللار دەپ باعالاعان.
تىزىمدە تيمۋر تۇرلوۆ تا بار. رەسەيدە تۋعان كاسىپكەر كەيىنگى جىلدارى قازاقستان ازاماتتىعىن العان. Forbes مالىمەتىنشە، ونىڭ بايلىعى سوڭعى ءبىر جىلدا 600 ملن دوللارعا ازايعانىنا قاراماستان، جالپى كاپيتالى 5,2 ملرد دوللاردى قۇراپ، ەڭ باي قازاقستاندىقتار اراسىندا 6-ورىنعا تۇراقتاعان.
