فوتو: Tribunakz
قازاقستاندىقتار جولداعى كەپتەلىستەردە بارعان سايىن كوپ ۋاقىت جوعالتىپ ءجۇر. ءىرى قالالار تۇرعىندارى كۇن سايىن جولدا شامامەن 36 مينۋت تۇرىپ قالادى. بۇل سوڭعى 10 جىلداعى ەڭ جوعارى كورسەتكىش.
بۇل تۋرالى Numbeo اناليتيكتەرى جاريالادى.
ساراپشىلاردىڭ مالىمەتىنشە، سوڭعى جىلدارى قازاقستاندىقتاردىڭ جولداعى ۋاقىتى 7 مينۋتقا ارتقان. ەڭ تومەن كورسەتكىشتەر 2017 جىلى تىركەلگەن.
العاشقى ايتارلىقتاي ءوسىم 2021 جىلى بايقالدى — سول كەزدە كەپتەلىستە وتكىزىلەتىن ۋاقىت بىردەن 5 مينۋتقا ۇلعايعان. سودان بەرى جولداعى جاعداي بىرتىندەپ ناشارلاپ كەلەدى.
ماماندار قازاقستانداعى كەپتەلىستەردىڭ باستى سەبەبى رەتىندە حالىق سانىنىڭ وسۋىنە سايكەس كەلمەيتىن جول ينفراقۇرىلىمىن اتايدى.
جول كەپتەلىسى بويىنشا كوشباسشى ەل — نيگەريا، وندا جۇرگىزۋشىلەر جولدا ءبىر ساعاتتان استام ۋاقىتىن جوعالتادى. شۆەيتساريا مەن گرۋزيادا دا بۇل كورسەتكىشكە جۋىق دەڭگەي تىركەلگەن. ال ەڭ ەركىن قوزعالىس نيدەرلاند، ەستونيا جانە يسلانديادا بايقالادى.
