«VD Stroy Engineering» كومپانياسىنىڭ باسشىسى ازامات ۇسىمبەكوۆ وزىنە قاتىستى ايتىلعان ايىپتاۋلارعا العاش رەت پىكىر ءبىلدىرىپ، كومپانيانىڭ پرەزيدەنتتىڭ تۋىستارىمەن بايلانىسى بار دەگەن قاۋەسەتتەرگە جاۋاپ بەردى، دەپ حابارلايدى «ادىرنا» ءتىلشىسى Ulysmedia-عا سىلتەمە جاساپ.
سوڭعى ايلاردا بۇل كومپانيا ءتۇرلى داۋلى وقيعالاردىڭ ورتاسىنان ءجيى كورىنىپ ءجۇر. سونىڭ ءبىرى — جۋرناليست بوتاگوز وماروۆاعا قاتىستى قىلمىستىق ءىس. ول ءىس ءجۋرناليستىڭ “VD Stroy Engineering” تۋرالى جاريالانىمدارىمەن بايلانىستى.
جۋرناليست نەگە كاسىپكەرلەر مەن جۇمىسشىلار اراسىنداعى داۋدىڭ قاق ورتاسىندا قالدى؟ كومپانيانىڭ ارتىندا كىم تۇر؟ ونىڭ بيلىككە جاقىن ادامدارمەن بايلانىسى بار ما؟ ال ۇسىمبەكوۆتىڭ ءوزى “VD Stroy Engineering”-كە قاتىستى سىن-ەسكەرتپەلەرگە نە دەيدى؟ دەرەك پەن داقپىرتتىڭ ارا-جىگىن اجىراتۋ ءۇشىن Ulysmedia.kz ازامات ۇسىمبەكوۆتى اشىق سۇحباتقا شاقىردى.
سۇحبات بارىسىندا مىنا ماسەلەلەر تالقىلاندى:
– بوتاگوز وماروۆا ءىسى;
– جۇمىسشىلار جانە مەردىگەرلەرمەن بولعان داۋ;
– “ازاتتىق” ماتەريالى مەن پرەزيدەنتتىڭ تۋىستارىمەن بايلانىس تۋرالى اڭگىمەلەر;
– تەندەرلەر مەن ميللياردتاعان ينفراقۇرىلىمدىق جوبالار;
– قوعام تالقىلاپ وتىرعان وزەكتى سۇراقتار.
36 جاستاعى كاسىپكەردىڭ ايتۋىنشا، ونىڭ اكەسى قۇرىلىس سالاسىنداعى بيزنەستى وسىدان 20 جىلدان استام ۋاقىت بۇرىن اقتوبەدە باستاعان. قازىر بۇل باعىتتى وتباسى رەسپۋبليكالىق دەڭگەيدە دامىتىپ وتىر. ۇسىمبەكوۆ وزدەرىنىڭ ەشقاشان بيلىكپەن بايلانىسى بولماعانىن ايتادى.
