تۇركىستان وبلىسىندا 15 جاستاعى ءجاسوسپىرىم ارىس وزەنىنە باتىپ كەتتى، دەپ جازادى "ادىرنا" ۇلتتىق پورتالى.
تۇركىستان وبلىسى تجد ءباسپاسوز قىزمەتىنىڭ حابارلاۋىنشا، وقيعا ورداباسى اۋدانى تەمىرلان اۋىلىنان ءبىر شاقىرىم جەردەگى ارىس وزەنىنىڭ بويىندا بولعان. 2007 جىلى تۋعان ءجاسوسپىرىم وتباسىمەن دەمالىس وتكىزۋ كەزىندە شومىلۋعا تىيىم سالىنعان ورىندا سۋعا ءتۇسىپ، قايتادان شىقپاعان.
"تۇركىستان وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنا قاراستى قۇتقارۋشىلار مەن سۇڭگۋىرلەر بالانىڭ ءمايىتىن سۋدان الىپ شىقتى. وقيعا ورنىنداعى بالانى ىزدەۋ جۇمىسىنا تۇركىستان وبلىسى تجد 2 قىزمەتكەرى مەن ءبىر تەحنيكاسى جانە جەدەل قۇتقارۋ جاساعىنىڭ 5 قۇتقارۋشىسى، پوليتسيا دەپارتامەنتىنىڭ 4 قىزمەتكەرى جۇمىلدىرىلدى" - دەلىنگەن حابارلامادا.
"ادىرنا" ۇلتتىق پورتالى
