قوستانايدا جوعالىپ كەتكەن قىزعا قاتىستى تىڭ اقپارات شىقتى

Zakon.kz حابارلاۋىنشا، پوليتسيا قىزمەتكەرلەرى بالا جوعالعاننان باستاپ حرونولوگيانى مينۋت سايىن جاڭعىرتىپ وتىر.

كينولوگيالىق قىزمەت ورتالىعىنىڭ قىزمەتكەرى قايرات بيسەمبين قىزدىڭ تاڭعى جەتىدە اس ءۇيدىڭ ەكىنشى قاباتىنىڭ تەرەزەسىنەن شىعىپ، گاز قۇبىرى كومەگىمەن كۇنقاعارعا ءتۇسىپ، كۇنقاعاردان اعاشقا مىنگەنىن ايتتى.

وسى ۋاقىتتا اۋلاداعى شۋعا ەلەڭدەپ، ەسىك الدىنا شىققان كورشى اعاشتان بالانى ءتۇسىرىپ العان. ەر ادام بالانى كوتەرىپ الىپ، پاتەرىنە اپارادى. ول ەسىكتى قاعىپ تۇرعاندا قىز بالا سىتىلىپ شىعىپ، كوشەگە قاراي جۇگىرە جونەلگەن.

08: 04 - بالا بەينەباقىلاۋ كامەراسىنا تۇسكەن جانە ونى اۋىل تۇرعىنى كورگەن. سودان كەيىن قىز قوستاناي-ۆەدەنكا تاس جولىنا قاراي جۇگىرەدى;

08:06 - تاعى ءبىر كۋاگەر قىزدى ورتالىق كوشەدەن كورگەن;

08:24 - بالانى اۋىلعا قاراي كەلە جاتقان تراكتورشى كورەدى;

08: 30 - قىزدى اۋىلعا قاراي كەلە جاتقان ۆەلوسيپەدشى كورەدى.

بۇگىن ىزدەۋ شارالارىنا ۇلتتىق ۇلاننىڭ اسكەري قىزمەتشىلەرى مەن شەكارا اسكەرلەرى قوسىلدى. 

"ادىرنا" ۇلتتىق پورتالى