پرەزيدەنت قاسىم-جومارت توقاەۆ پەن ۆلاديمير پۋتين تەلەفون ارقىلى سويلەسىپ، ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى، دەپ حابارلايدى "ادىرنا" ۇلتتىق پورتالى.
كرەمل تاراتقان اقپاراتقا سايكەس، اڭگىمە بارىسىندا قازاقستان مەن رەسەي اراسىنداعى ساۋدا-ەكونوميكالىق جانە ەنەرگەتيكا سالالارىنداعى ءوزارا ءتيىمدى جوبالاردى ىسكە اسىرۋ ماسەلەلەرىنە ەرەكشە نازار اۋدارىلدى.
تاراپتار بيىلعى مامىر ايىندا رەسەي پرەزيدەنتىنىڭ قازاقستانعا مەملەكەتتىك ساپارى كەزىندە قول جەتكىزىلگەن كەلىسىمدەردى جۇزەگە اسىرۋ بارىسىن جانە ەكى ەل اراسىنداعى جان-جاقتى ستراتەگيالىق ارىپتەستىك پەن وداقتاستىق قاتىناستاردى ودان ءارى دامىتۋ ماسەلەلەرىن تالقىلادى.
سونداي-اق حالىقارالىق جانە وڭىرلىك كۇن تارتىبىندەگى وزەكتى ماسەلەلەر قارالدى. وسى ورايدا قاسىم-جومارت توقاەۆ جۋىردا بريۋسسەل قالاسىنا جاساعان ساپارىنىڭ قورىتىندىلارى تۋرالى پىكىرىمەن ءبولىستى.
