مەملەكەت باسشىسى قاسىم-جومارت توقاەۆ اقش ساۋدا پالاتاسىنىڭ اعا ۆيتسە-پرەزيدەنتى حۋش چوكسيمەن كەزدەستى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى حابارلادى.
كەزدەسۋ بارىسىندا پرەزيدەنت قازاقستاننىڭ اقش پرەزيدەنتى دونالد ترامپ اكىمشىلىگىمەن سىندارلى ءوزارا ءىس-قيمىلدى نىعايتۋعا دايىن ەكەنىن مالىمدەدى.
ول قازاقستان مەن اقش اراسىنداعى ساۋدا-ەكونوميكالىق جانە ينۆەستيتسيالىق سەرىكتەستىكتىڭ ستراتەگيالىق سيپاتىنا ەرەكشە توقتالدى.
سونداي-اق پرەزيدەنت قاسىم-جومارت توقاەۆ امەريكالىق كومپانيالار ءۇشىن قولايلى ينۆەستيتسيالىق احۋالدى قامتاماسىز ەتۋگە قازاقستاننىڭ بەيىلدى ەكەنىن راستادى.
تاراپتار اسا ماڭىزدى پايدالى قازبالاردى يگەرۋ، ەنەرگەتيكا، تسيفرلىق ينفراقۇرىلىم، جاساندى ينتەللەكت، كولىك بايلانىسىن دامىتۋ، وزىق تەحنولوگيالار، اۋىل شارۋاشىلىعى جانە قارجى قىزمەتتەرى سالالارىنداعى ىنتىماقتاستىقتى كەڭەيتۋ پەرسپەكتيۆالارىن تالقىلادى.
ءوز كەزەگىندە حۋش چوكسي قازاقستان مەن اقش اراسىنداعى ەكىجاقتى بايلانىستاردى ودان ءارى دامىتۋعا زور الەۋەت بار ەكەنىن اتاپ ءوتىپ، ستراتەگيالىق ماڭىزى بار بىرقاتار سالادا بىرلەسكەن جوبالاردى جۇزەگە اسىرۋعا دايىن ەكەنىن جەتكىزدى.
