قازاقستانداعى ەڭ ۇزىن بويلى ستۋدەنتتەردىڭ ءبىرى اياجان امانگەلديەۆا سارسەن امانجولوۆ اتىنداعى شىعىس قازاقستان ۋنيۆەرسيتەتىن ءبىتىردى. بۇل تۋرالى جوو-نىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«اياجان Amanzholov University-ءدى ءساتتى ءتامامداپ، ديپلوم يەگەرى اتاندى. ءبىلىم مەن سپورتتى قاتار الىپ جۇرگەن جاس مامانعا الداعى كاسىبي جولىندا تولاعاي تابىس تىلەيمىز!»– دەلىنگەن حابارلامادا.
اياجان امانگەلديەۆا 2004 جىلى تاراز قالاسىندا ومىرگە كەلگەن. بويى 2 مەتر 5 سانتيمەتردى قۇرايتىن ارۋ ۆولەيبولمەن بەس جاسىنان بەرى اينالىسادى. كاسىبي شەبەرلىگىنىڭ ارقاسىندا ول قازاقستاننىڭ ءۇش دۇركىن چەمپيونى اتانىپ، ازيا چەمپيوناتىنىڭ كۇمىس جۇلدەگەرى بولعان. قازىرگى تاڭدا اياجان «توميريس» باسكەتبول كلۋبىندا ونەر كورسەتىپ ءجۇر.
ۇقساس جاڭالىقتار
