اقش پرەزيدەنتى دونالد ترامپ يتاليا پرەمەر-ءمينيسترى دجوردجا مەلونيمەن اراداعى قارىم-قاتىناسى تۋرالى پىكىر ءبىلدىردى. بۇل تۋرالى ول اق ءۇيدىڭ YouTube ارناسىندا كورسەتىلگەن سوزىندە ايتتى، دەپ حابارلايدى «ادىرنا» ءتىلشىسى.
«شىن مانىندە، مەن ونى جاقسى ادام دەپ سانايمىن. ءبىزدىڭ قارىم-قاتىناسىمىز ءسال ناشارلادى، ويتكەنى ول يران ماسەلەسىندە بىزگە كومەكتەسۋدەن باس تارتتى»، – دەدى ساياساتكەر.
ترامپ يرانعا قاتىستى كەلىسپەۋشىلىكتەرگە قاراماستان، مەلونيگە وڭ كوزقاراسپەن قارايتىنىن اتاپ ءوتتى. ونىڭ ايتۋىنشا، ءدال وسى ماسەلە ەكى ەل باسشىلارى اراسىنداعى قارىم-قاتىناسقا ازداپ سىزات تۇسىرگەن.
ماۋسىم ايىنىڭ سوڭىندا ترامپ فرانتسيادا وتكەن G7 ءسامميتى كەزىندە مەلونيدىڭ ونىمەن بىرگە سۋرەتكە ءتۇسۋدى ء«وتىنىپ سۇراعانىن» ايتقان بولاتىن. اق ءۇي باسشىسى وعان جانى اشىپ، وتىنىشىنە كەلىسكەنىن مالىمدەدى.
ءوز كەزەگىندە مەلوني بۇل مالىمدەمەنى «تولىعىمەن ويدان شىعارىلعان» دەپ اتادى. ال يتاليانىڭ سىرتقى ىستەر ءمينيسترى انتونيو تاياني ترامپتىڭ سوزدەرىنەن كەيىن اقش-قا جوسپارلانعان ساپارىن توقتاتقان بولاتىن.
