بۇگىن، 16 شىلدەدە استاناداعى بازارلاردىڭ بىرىندەگى تاندىر سامسا دايىندايتىن بولمەدە جارىلىس بولدى. بۇل تۋرالى توتەنشە جاعدايلار مينيسترلىگى ايتتى، دەپ حابارلايدى «ادىرنا» ءتىلشىسى.
«بايقوڭىر اۋدانىندا ش. جيەنقۇلوۆا كوشەسىندە ورنالاسقان بازار اۋماعىنداعى ەكى قاباتتى اكىمشىلىك عيماراتتا الدىن الا مالىمەت بويىنشا كولەمى 50 ليترلىك كومپوزيتتىك گاز باللونىنىڭ گەرمەتيكالىعى بۇزىلۋى سالدارىنان گاز-اۋا قوسپاسى جارىلدى. وقيعا ورنىنا تجم بولىمشەلەرى جەدەل جەتتى. بارلاۋ بارىسىندا قۇتقارۋشىلار ءۇش زارداپ شەككەن ادامدى انىقتادى. ولاردىڭ بارلىعى قاجەتتى مەديتسينالىق كومەك كورسەتۋ ءۇشىن اۋرۋحاناعا جەتكىزىلدى»،– دەلىنگەن حابارلامادا.
وقيعا عيماراتتىڭ ءبىرىنشى قاباتىندا ورنالاسقان تاندىر سامسا دايىندايتىن بولمەدە بولعان. جارىلىس سالدارىنان توبە جابىندىسىنىڭ ءبىر بولىگى مەن ەسىك ويىعى وپىرىلعان.
قازىرگى تاڭدا وقيعانىڭ ءمان-جايى مەن سەبەپتەرى انىقتالىپ جاتىر.
