World Boxing ۇيىمى رەسەيدىڭ بارلىق جاس ساناتىنداعى بوكسشىلارىنا حالىقارالىق جارىستارعا ۇلتتىق تۋى مەن انۇرانىمەن قاتىسۋعا رۇقسات بەردى. بۇل تۋرالى رەسەيدىڭ سپورت ءمينيسترى ميحايل دەگتياريوۆ ايتتى، دەپ حابارلايدى "ادىرنا".
"رەسەي بوكسى الەمدىك ارەناعا قايتا ورالىپ جاتىر. World Boxing ۇيىمى ءبىزدىڭ سپورتشىلارىمىزدى بارلىق جاس ساناتىندا ۇلتتىق تۋ مەن مەملەكەتتىك انۇرانمەن بارلىق حالىقارالىق جارىستارعا قاتىستىرۋ تۋرالى شەشىم قابىلدادى. رەسەي بوكس فەدەراتسياسى 2026 جىلدىڭ باسىندا World Boxing ۇيىمىنىڭ تولىققاندى مۇشەسى اتاندى.
قالىپتى سپورتتىق بايلانىستاردى قالپىنا كەلتىرۋ ماسەلەسىن ءبىز World Boxing پرەزيدەنتى، قازاقستان ۇلتتىق وليمپيادالىق كوميتەتىنىڭ باسشىسى گەننادي گولوۆكينمەن 2026 جىلدىڭ قاڭتارىندا تاشكەنتتە وتكەن كەزدەسۋدە تالقىلادىق", - دەدى ول.
دەگتياريوۆتىڭ ايتۋىنشا، حالىقارالىق فەدەراتسيانىڭ بۇل شەشىمى ەرەكشە ماڭىزدى.
"ويتكەنى، ءدال وسى World Boxing ۇيىمىنا حالىقارالىق وليمپيادا كوميتەتى وليمپيادا ويىندارىنداعى بوكس ءتۋرنيرىن وتكىزۋ قۇقىعىن بەرگەن. رەسەي بوكس فەدەراتسياسىنىڭ ۇيىمعا تولىققاندى مۇشە بولۋى رەسەيلىك بوكسشىلارعا حالىقارالىق جارىستار كۇنتىزبەسىنە، سونىڭ ىشىندە وليمپيادا تسيكلىندەگى تۋرنيرلەرگە تولىققاندى قاتىسۋعا جول اشادى.
ءبىز رەسەيلىك سپورتتى الەمدىك سپورت قاۋىمداستىعىنا كەزەڭ-كەزەڭىمەن قايتا قايتارۋ جۇمىسىن جالعاستىرىپ جاتىرمىز", — دەپ جازدى دەگتياريوۆ ءوزىنىڭ Telegram-ارناسىندا.
رەسەي بوكس فەدەراتسياسى World Boxing ۇيىمىنىڭ قۇرامىنا 2026 جىلدىڭ باسىندا قابىلدانعان بولاتىن.
