تۇركيا پرەزيدەنتى رەجەپ تايىپ ەردوعان «ۇلتتىق بىرلىك پەن الەۋمەتتىك ينتەگراتسيانى نىعايتۋ تۋرالى» زاڭ جوباسىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
جەرگىلىكتى باق مالىمەتىنشە، ەل قۇجاتتىڭ ەلدى تەرروريزم قاۋپىنەن تۇبەگەيلى ارىلتۋعا جانە قوعامدىق بىرلىكتى كۇشەيتۋگە باعىتتالعانىن ايتتى.
پرەزيدەنت الەۋمەتتىك جەلىدەگى پاراقشاسىندا زاڭ جوباسى جان-جاقتى كونسۋلتاتسيالاردان كەيىن ازىرلەنىپ، قوعامنىڭ ورتاق ۇستانىمىن ەسكەرە وتىرىپ تۇركيا ۇلى ۇلتتىق ءماجىلىسىنىڭ قاراۋىنا ۇسىنىلعانىن حابارلاعان.
«بۇل قادام تۇركيانى تەرروريزم قاۋپىنەن ءبىرجولا ارىلتىپ، ۇلتتىق بىرلىك پەن ىنتىماقتى نىعايتۋعا، سونداي-اق ەلىمىز بەن وڭىردەگى بەيبىتشىلىك پەن تۇراقتىلىقتى كۇشەيتۋگە وڭ اسەر ەتەدى دەپ سەنەمىن»، – دەدى ەردوعان.
مەملەكەت باسشىسى زاڭ جوباسىن جەتىلدىرۋگە جانە ونى پارلامەنتتىڭ قاراۋىنا ۇسىنۋ پروتسەسىنىڭ ءساتتى اياقتالۋىنا ۇلەس قوسقان بارلىق ساياسي پارتيالار مەن دەپۋتاتتارعا العىس ءبىلدىردى.
سونداي-اق ەردوعان «حالىقتىق اليانس» قۇرامىنداعى سەرىكتەسى، ۇلتشىل قوزعالىس پارتياسىنىڭ توراعاسى دەۆلەت باحچەليدىڭ اتقارعان ەڭبەگىن ەرەكشە اتاپ ءوتتى.
