قازاقستان اۋماعىندا جالعان مەملەكەتتىك تىركەۋ نومىرلىك بەلگىلەرىن زاڭسىز دايىنداۋ جانە تاراتۋمەن اينالىسقان توپتىڭ ارەكەتى توقتاتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى كولىكتەگى پوليتسيا دەپارتامەنتى حابارلادى.
تەرگەۋ مالىمەتىنشە، جالعان مەملەكەتتىك نومىرلەر رەسەي اۋماعىنان جەدەل جەتكىزۋ قىزمەتتەرى ارقىلى قازاقستانعا جەتكىزىلىپ، كەيىن ەلدىڭ ءار وڭىرىندەگى تاپسىرىس بەرۋشىلەرگە ساتىلعان.
قۇقىققا قايشى ارەكەتتى ۇيىمداستىرۋشى الماتى قالاسىندا ۇستالدى. ول جالعان مەملەكەتتىك نومىرلەردى جۇيەلى تۇردە دايىنداپ، ساتۋمەن اينالىسقانى انىقتالدى.
جەدەل ءىس-شارالار بارىسىندا پوليتسيا قىزمەتكەرلەرى جالعان نومىرلىك بەلگىلەر مەن ىسكە قاتىستى زاتتاي دالەلدەمەلەردى تاركىلەدى.
قازىر وقيعاعا قاتىسى بار وزگە دە تۇلعالاردى انىقتاۋ ماقساتىندا تەرگەۋ جانە جەدەل-ىزدەستىرۋ شارالارى جۇرگىزىلىپ جاتىر.
