بۇل تۋرالى پارتيا توراعاسى ايبەك دادەباي شىمكەنت قالاسىندا وتكەن «ادىلەتتى بولاشاق ءۇشىن» سايلاۋالدى باعدارلاماسىنىڭ «زاڭ جانە ءتارتىپ» باعىتىنىڭ تانىستىرىلىمىندا مالىمدەدى.
ونىڭ ايتۋىنشا، سوڭعى ۋاقىتتا قوعامدا حالقىمىزدىڭ مادەنيەتى مەن داستۇرىنە جات ۇستانىمداردى تاڭۋعا باعىتتالعان ارەكەتتەر قايتا بايقالا باستادى.
«وسى تۇستا ادىلەت پارتياسىنىڭ ۇستانىمىن بىلدىرەمىن: قازاقستان – زايىرلى مەملەكەت. ءبىز جاڭا كونستيتۋتسيانى قابىلدادىق. بۇدان بىلاي ونى مەملەكەت تە، قوعام دا قورعاۋى جانە قۇرمەتتەۋى دە ءتيىس. جاڭا كونستيتۋتسيامىزدا «زاڭ مەن ءتارتىپ» قاعيداتى ناقتى بەكىتىلگەن. ەشقانداي ءدىني دوگما كونستيتۋتسيا مەن ەلىمىزدىڭ زاڭناماسىنان جوعارى تۇرا المايدى. ءبىز كەمسىتۋشىلىككە، قوعامنىڭ جىكتەلۋىنە جانە جاستار ساناسىن ۋلاۋعا اكەلەتىن ارحايكالىق جانە راديكالدى تۇسىندىرمەلەردى قوعامعا تاڭۋعا جول بەرمەيمىز. مەملەكەت ءداستۇرلى وتباسىلىق قۇندىلىقتاردى، ايەلدەردىڭ قادىر-قاسيەتىن جانە مادەنيەت ەركىندىگىن دايەكتى تۇردە قورعاۋى ءتيىس. بۇل – ومىردە دە، ينتەرنەتتەگى پوستتارعا دا بىردەي قاتىستى. جاڭا كونستيتۋتسيانىڭ تالاپتارىن بۇزۋعا ەشكىمنىڭ قۇقىعى جوق. كونستيتۋتسيالىق نورمالار مەن قوعامدىق ءتارتىپتى بۇزۋعا باعىتتالعان كەز كەلگەن ارەكەتتەر بىردەن ءتيىستى قۇقىقتىق باعاسىن الۋى ءتيىس. «زاڭ مەن ءتارتىپ» قاعيداتى بارشاعا بىردەي جانە بۇلتارتپاي ساقتالۋى كەرەك»، – دەدى ءوز سوزىندە.
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
