تاياۋ شىعىستاعى تۇراقسىز جاعدايعا بايلانىستى اقتاۋ – دۋباي – اقتاۋ باعىتىنداعى اۋە رەيستەرى ۋاقىتشا توقتاتىلدى. FlyArystan مالىمەتىنشە، شەكتەۋ 2026 جىلعى 15 قىركۇيەككە دەيىن قوسا العاندا ۇزارتىلدى، دەپ حابارلايدى "ادىرنا".
بۇعان دەيىن اۋە كومپانياسى اتالعان باعىتتاعى رەيستەردى 29 تامىزدان كەيىن قايتا باستاۋدى جوسپارلاعان ەدى. الايدا ايماقتاعى احۋالعا بايلانىستى ۇشۋ مەرزىمى تاعى دا كەيىنگە شەگەرىلدى.
FlyArystan جولاۋشىلارعا رەيستەردىڭ جاڭارتىلعان مارتەبەسىن باقىلاپ وتىرۋعا كەڭەس بەردى.
رەيسى توقتاتىلعان جولاۋشىلار بيلەت قۇنىن تولىق كولەمدە جانە ايىپپۇلسىز قايتارۋعا قۇقىلى.
قاراجاتتى قايتارۋ ءۇشىن بيلەتتى ساتىپ العان جەرگە جۇگىنۋ قاجەت.
بۇل اقتاۋ مەن دۋباي اراسىنداعى اۋە قاتىناسىنا قاتىستى العاشقى وزگەرىس ەمەس. تاياۋ شىعىستاعى جاعدايدىڭ شيەلەنىسۋىنە بايلانىستى بۇعان دەيىن دە دۋباي باعىتىنداعى بىرقاتار رەيس توقتاتىلىپ، ۇشۋ كەستەسىنە وزگەرىستەر ەنگىزىلگەن.
ماسەلەن، 12 شىلدەدە استانادان دۋبايعا باعىت العان KC205 رەيسى ۇشۋ بارىسىندا كەرى بۇرىلىپ، ەلوردا اۋەجايىنا قايتا قونعان. سول كۇنى الماتىدان دۋبايعا ۇشۋى ءتيىس KC897 رەيسى دە توقتاتىلعان.
كەيىن الماتى – دۋباي – الماتى جانە استانا – دۋباي – استانا باعىتتارىنداعى رەيستەر 15 شىلدەدەن باستاپ قايتا جاندانعان بولاتىن. الايدا ايماقتاعى جاعدايدىڭ قايتا كۇردەلەنۋىنە بايلانىستى قازاقستان مەن دۋباي اراسىنداعى كەيبىر رەيستەر 21 شىلدە مەن 31 تامىز ارالىعىندا تاعى توقتاتىلدى.
FlyArystan تاياۋ شىعىستاعى احۋالدى باقىلاۋدا ۇستاپ وتىرعانىن جانە جاعدايعا قاراي رەيستەر كەستەسىنە وزگەرىس ەنگىزىلۋى مۇمكىن ەكەنىن مالىمدەدى.
ءباا-گە ساپار جوسپارلاعان جولاۋشىلارعا ۇشۋ الدىندا رەيستىڭ وزەكتى مارتەبەسىن تەكسەرۋ ۇسىنىلادى.
