استاناداعى تۇرعىن ءۇي كەشەندەرىنىڭ بىرىندە 22 جاستاعى بويجەتكەن قازا تاپتى، دەپ حابارلايدى "ادىرنا" ۇلتتىق پورتالى.
وقيعاعا قاتىستى پوليتسيا تەرگەۋ جۇرگىزىپ جاتىر.
الەۋمەتتىك جەلىلەردە تاراعان اقپاراتقا سايكەس، بويجەتكەن بيىكتەن قۇلاعان. وقيعا كەزىندە عيمارات ماڭىنان ءوتىپ بارا جاتقان كۋرەر دە زارداپ شەككەنى تۋرالى اقپارات تاراعان. كەيىن ونىڭ امان قالعانى بەلگىلى بولدى. وقيعا ورنىندا بولعان كەيبىر تۇرعىنداردىڭ جاعدايدى ۆيدەوعا ءتۇسىرىپ، الەۋمەتتىك جەلىلەرگە جاريالاۋى قوعامنىڭ نارازىلىعىن تۋعىزدى. جەلى قولدانۋشىلارى قايعىلى جاعدايدى ءتۇسىرىپ، تاراتۋ مارقۇمنىڭ جاقىندارىنا قۇرمەتسىزدىك ەكەنىن اتاپ ءوتتى.
وقيعاعا بايلانىستى استانا پوليتسياسى تۇسىنىكتەمە بەردى.
«سۋيتسيد فاكتىسى بويىنشا قىلمىستىق ءىس قوزعالدى. الدىن الا مالىمەتتەرگە سايكەس، قىز كوپقاباتتى تۇرعىن ءۇيدىڭ تەرەزەسىنەن قۇلاعان. العان جاراقاتتارىنىڭ سالدارىنان ول وقيعا ورنىندا كوز جۇمدى. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر»، – دەپ حابارلادى پوليتسيا.
