قىرعىزستاننىڭ ءشۇي وبلىسى ءالامۇدۇن اۋدانىندا ورنالاسقان پيونەر شىڭىنىڭ اتاۋى وزگەردى، دەپ حابارلايدى “ادىرنا” ءتىلشىسى.
ول ەندى شانحاي ىنتىماقتاستىق ۇيىمىنىڭ (شىۇ) شىڭى بوپ اتالادى.
رەسمي شەشىم «الا-ارشا» مەملەكەتتىك تابيعي ساياباعىندا قابىلدانعان. بيىكتىگى 4050 مەتر بولاتىن شىڭنىڭ اتاۋىن وزگەرتۋ ورتالىق ازياداعى سەرىكتەستىكتى دامىتۋعا جانە حالىقارالىق ۇيىمنىڭ وڭىرلىك قاۋىپسىزدىك، ەكونوميكالىق، مادەني-گۋمانيتارلىق ىنتىماقتاستىقتى نىعايتۋعا قوسقان ۇلەسىن اتاپ وتۋگە باعىتتالعان.
ءتيىستى شەشىم نورماتيۆتىك اكتىمەن بەكىتىلدى.
شىۇ شىڭى قىرعىز جوتاسىنىڭ الا-ارشا سىلەمىندە ورنالاسقان. بۇل اۋماق الپينيستەر مەن تاۋلى تۋريزم اۋەسقويلارى اراسىندا تانىمال.
جاقىن ۋاقىتتا جاڭا اتاۋدى ەسكەرە وتىرىپ، كارتوگرافيالىق دەرەكتەر مەن تۋريستىك كورسەتكىشتەردى جاڭارتۋ جوسپارلانىپ وتىر
