ءمامس جۇيەسى قاجەت ەكەنىن بۇگىن كوپ جانكۋەرلەردىن كوزى جەتۋدە. سەبەبى بۇگىندە مەديتسينا وتە قارقىندى دامىپ كەلەدى. جاڭا تەحنولوگيالار، قىمبات اپپاراتتار، كۇردەلى وپەراتسيالار ۇلكەن قارجىنى تالاپ ەتەدى.
مىسالى، قازىر ەلىمىزدە پەت، مرت سياقتى زاماناۋي تەكسەرۋلەر، پروتوندىق تەراپيا، روبوتتىڭ كومەگىمەن جاسالاتىن وپەراتسيالار، جۇرەك، بۇيرەك، باۋىر ترانسپلانتاتسيالارى سياقتى ءارتۇرلى جوعارى تەحنولوگيالىق مەديتسينالىق قىزمەتتەر كورسەتىلىپ جاتىر. بۇرىن مۇنداي ەم الۋ ءۇشىن ازاماتتار شەتەل اسىپ، ەم ىزدەيتىن بولسا، قازىر ولاردىڭ بارلىعى ەلىمىزدە قازاقستاندا قولجەتىمدى.
سونىمەن قاتار دارىگەرلەرىمىز شەتەلدە ءبىلىمىن جەتىلدىرىپ، تاجىريبە الماسىپ كەلەدى. مۇنىڭ ءبارى دەنساۋلىق ساقتاۋ جۇيەسىنىڭ دامۋىنا ىقپال ەتەدى. سوندىقتان مۇنداي قىزمەتتەردىڭ تۇراقتى جۇمىس ىستەۋى ءۇشىن ساقتاندىرۋ جۇيەسى ماڭىزدى. قىسقاشا ايتقاندا بۇگىنگى كۇنى ءمامس اياسىندا ساقتاندىرىلعان ازاماتتار مەديتسينالىق كومەك الىپ، ءارتۇرلى ەم-شارا قولدانا وتىرىپ، جىلى لەبىزدەرىن ايتىپ جاتىر!
وسىنى ەسكەرە وتىرىپ ءبىر ماڭىزدى سۇراققا جاۋاپ بەرۋ قاجەت بولىپ ءتۇر. ءبۇل سۇراق ءجيى ينستاگرامم پاراقشاسىندا، جانە باسقا اۋلەمەتتىك جەلەلەردە كەزدەسىپ تۋرادى.
«مەن جارنا تولەيمىن، بىراق ەمحاناعا بارمايمىن. اقشام قايدا كەتەدى؟» دەگەن سۇراققا جاۋاپ بەرۋگە ءبىز ءماجبۇر بولدىق.
بۇل جەردە ءمامس-ءتىڭ نەگىزگى قاعيداتىن ءتۇسىنۋ ماڭىزدى. ول – ورتاق جاۋاپكەرشىلىك پەن ءوزارا قولداۋ جۇيەسى.
قازىرگى تاڭدا قازاقستاندا 20 ميلليوننان استام حالىق تۇرادى. ونىڭ ىشىندە شامامەن 11,8 ميلليون ادام جەڭىلدىك ساناتىنا كىرەدى. بۇلار – بالالار، زەينەتكەرلەر، جۇكتى ايەلدەر، ستۋدەنتتەر، مۇگەدەكتىگى بار ازاماتتار، كوپبالالى انالار جانە باسقا دا الەۋمەتتىك وسال توپتار.
ولاردىڭ جارناسىن مەملەكەت تولەيدى.
2026 جىلدىڭ ءبىرىنشى جارتىجىلدىعىندا مەملەكەت وسى ازاماتتار ءۇشىن قورعا 92 ميلليارد تەڭگە اۋداردى. بىراق سول ازاماتتارعا كورسەتىلگەن مەديتسينالىق كومەكتىڭ كولەمى 479 ميلليارد تەڭگەنى قۇرادى. ياعني، كورسەتىلگەن كومەك تولەنگەن قاراجاتتان 5 ەسەدەن استام كوپ بولدى.
بۇل – ساقتاندىرۋدىڭ باستى قاعيداسى. بۇگىن ءسىز اۋىرمايسىز، مەديتسينالىق كومەك الماۋىڭىز مۇمكىن. بىراق ءدال سول قاراجات بۇگىن ەمگە مۇقتاج باسقا ازاماتتارعا جۇمسالادى. ەرتەڭ سىزگە نەمەسە جاقىندارىڭىزعا قىمبات وپەراتسيا نەمەسە ۇزاق ەم قاجەت بولسا، سول كەزدە جۇيە ءسىزدى دە قورعايدى.
جەكە كاسىپكەرلەر ءۇشىن جارنا مولشەرى اي سايىن تۇراقتى – 5 950 تەڭگە. بۇل سوما كاسىپكەردىڭ تابىسىنا بايلانىستى وزگەرمەيدى. ايىنا 100 مىڭ تەڭگە تاپسا دا، بىرنەشە ميلليون تەڭگە تاپسا دا، جارنا بىردەي.
سونداي-اق، ءوزى-وزىنە تولەۋشىلەر 279 مىڭ ادامدى قۇراسا بۇل ساناتتان I جارتىجىلدىق قورىتىندىسى 5 ملرد تەڭگە ءتۇسىم تۇسسە، اتالعان ساناتتاعى 83 مىڭ ادامعا 14 ملرد تەڭگەگە، ياعني 3 ەسە كوپ قاراجاتقا مەديتسينالىق كومەكتى ءمامس اياسىندا تەگىن العان. ءوزىن-ءوزى تولەيتىن ازاماتتار ءۇشىن اي سايىنعى جارنا – 4 250 تەڭگە. ەگەر ولار 12 ايعا الدىن-الا 51 مىڭ تەڭگە تولەم جاساسا، ساقتاندىرىلعان مارتەبەسىن الىپ، قاجەت بولعان جاعدايدا ءمامس اياسىنداعى مەديتسينالىق كومەكتى تولىق پايدالانا الادى.
«الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالىنىڭ ءباسپاسوز ورتالىعى
