يراننىڭ وڭتۇستىگىندەگى كۋحەستاك قالاسىندا ۇيلەنۋ تويى ءوتىپ جاتقان ۇيگە جاسالعان سوققىعا امەريكالىق وق-ءدارى سەبەپ بولۋى مۇمكىن، دەپ حابارلايدى “ادىرنا”.
بۇل تۋرالى Reuters حابارلادى.
اگەنتتىك راستاعان فوتو جانە بەينەماتەريالداردى قارۋ-جاراق ساراپشىلارى زەرتتەگەن. ءۇش ساراپشى عيماراتقا تۇسكەن وق-ءدارىنىڭ امەريكالىق بولۋى ىقتيمال ەكەنىن ايتقان. ولاردىڭ پىكىرىنشە، نىسانعا سوققى تىكەلەي تيگەن بولۋى مۇمكىن.
Reuters مالىمەتىنشە، جارىلىستان كەمىندە ءتورت ادام قازا تاۋىپ، 68 ادام جارالانعان. كەيىن يراننىڭ مەملەكەتتىك تەلەارناسى اۋرۋحانادا تاعى ءبىر ايەلدىڭ قايتىس بولعانىن حابارلاعان. وسىلايشا قازا تاپقاندار سانى بەسەۋگە جەتكەن.
وقيعا 1 قىركۇيەكتە بولعان. اقش اسكەريلەرى سول اۋماقتا بايلانىس ينفراقۇرىلىمىنا جانە باسقا دا اسكەري نىساندارعا سوققى جاساعان. ۇيلەنۋ تويى ءوتىپ جاتقان ءۇي جوسپارلانعان نىساننان شامامەن 135 مەتر قاشىقتا ورنالاسقان.
اقش تاراپى بۇل وقيعاعا قاتىستى جاۋاپكەرشىلىكتى ازىرگە مويىنداعان جوق. اقش ۆيتسە-پرەزيدەنتى دجەي دي ۆەنس اسكەريلەردىڭ وقيعانى تەكسەرىپ جاتقانىن مالىمدەدى. ونىڭ ايتۋىنشا، اقش اسكەرى بەيبىت تۇرعىنداردى ادەيى نىساناعا المايدى.
ال اقش ورتالىق قولباسشىلىعىنىڭ مالىمەتىنشە، سوققى بايلانىس مۇناراسىنا باعىتتالعان. بۇل نىسان ازاماتتىق جانە اسكەري بايلانىس ءۇشىن پايدالانىلعان بولۋى مۇمكىن. قازىر CENTCOM درونداردان تۇسىرىلگەن بەينەماتەريالدار مەن وپەراتسيا بارىسىن تەكسەرىپ جاتىر.
