پەتروپاۆل قالاسىنداعى شۋحوۆ كوشەسىندە ورنالاسقان بەس قاباتتى تۇرعىن ءۇيدىڭ بەسىنشى قاباتىنداعى پاتەردەن ءورت شىقتى. بۇل تۋرالى سولتۇستىك قازاقستان وبلىستىق تجد مالىمدەدى، دەپ حابارلايدى "ادىرنا".
ءورت سالدارىنان پاتەردەگى جيھازدار مەن جەكە زاتتار زاقىمدالىپ، جالىن شامامەن 7 شارشى مەتر اۋماقتى شارپىعان.
قۇتقارۋشىلار باسپالداق مارشى ارقىلى پاتەردەن 6 ادامدى، ونىڭ ىشىندە 2 بالانى قاۋىپسىز جەرگە الىپ شىقتى. بۇدان بولەك، ءتۇتىن تاراعان قاۋىپتى ايماقتان 31 تۇرعىن، سونىڭ ىشىندە 9 بالا ەۆاكۋاتسيالاندى.
توتەنشە جاعداي ورنىنا كەلگەن ءورت سوندىرۋشىلەر جالىندى جەدەل اۋىزدىقتاپ، وتتى تولىق ءسوندىردى. وقيعا كەزىندە ەشكىم زارداپ شەككەن جوق.
الدىن الا مالىمەت بويىنشا، ورتكە ەلەكتر سىمدارىنىڭ قىسقا تۇيىقتالۋى سەبەپ بولۋى مۇمكىن.
ۇقساس جاڭالىقتار
