پرەزيدەنت قاسىم-جومارت توقاەۆتىڭ وكىمىمەن قازاقستان رەسپۋبليكاسى قورعانىس مينيسترلىگىندەگى ىستەردىڭ جاي-كۇيىنە كەشەندى تەكسەرۋ جۇرگىزۋ جونىندەگى ارنايى كوميسسيا قۇرىلدى، دەپ حابارلايدى "ادىرنا" ءتىلشىسى.
بۇل تۋرالى اقوردا حابارلادى.
كوميسسيا قورعانىس مينيسترلىگىنىڭ قازىرگى قىزمەتىنە كەشەندى تەكسەرۋ جۇرگىزەدى.
"قازاقستان رەسپۋبليكاسىنىڭ قورعانىس مينيسترلىگىندەگى ىستەردىڭ جاي-كۇيىنە، ونىڭ ىشىندە اسكەري قۇرىلىمداردى قارجىلىق جانە ماتەريالدىق-تەحنيكالىق قامتاماسىز ەتۋ سالاسىنداعى جاعدايعا كەشەندى تەكسەرۋ جۇرگىزۋ ماقساتىندا:
1. قازاقستان رەسپۋبليكاسىنىڭ قورعانىس مينيسترلىگىندەگى ىستەردىڭ جاي-كۇيىنە كەشەندى تەكسەرۋ جۇرگىزۋ جونىندەگى كوميسسيا (بۇدان ءارى – كوميسسيا) مىنا قۇرامدا قۇرىلسىن:
بالاەۆا ايدا عالىمقىزى – قازاقستان رەسپۋبليكاسى قاۋىپسىزدىك كەڭەسى توراعاسىنىڭ ورىنباسارى، كوميسسيا توراعاسى;
سمايىلوۆ ءاليحان اسحانۇلى – قازاقستان رەسپۋبليكاسى جوعارى اۋديتورلىق پالاتاسىنىڭ توراعاسى، كوميسسيا توراعاسىنىڭ ورىنباسارى;
جيەنباەۆ ەرجان نۇرلانۇلى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى;
ەليمانوۆ جانات قالدىبەكۇلى – قازاقستان رەسپۋبليكاسى قارجىلىق مونيتورينگ اگەنتتىگىنىڭ توراعاسى;
بايمۇقاشەۆ مۇرات قاليبەكۇلى – قازاقستان رەسپۋبليكاسى قاۋىپسىزدىك كەڭەسى اپپاراتىنىڭ باسشىسى;
تاكيەۆ ءمادي توكەشۇلى – قازاقستان رەسپۋبليكاسىنىڭ قارجى ءمينيسترى;
ومىراليەۆ جاندوس جانىبەكۇلى – قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى;
التىنباەۆ ءالي ساپارعاليۇلى – قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى;
ءامرين ازامات كەمەڭگەرۇلى – قازاقستان رەسپۋبليكاسىنىڭ ۇلتتىق ەكونوميكا ءبىرىنشى ۆيتسە-ءمينيسترى.
2. كوميسسيا جۇرگىزىلگەن جۇمىستىڭ العاشقى ناتيجەلەرى تۋرالى جەتى كۇن ىشىندە بايانداسىن.
3. وسى وكىم قول قويىلعان كۇنىنەن باستاپ قولدانىسقا ەنگىزىلەدى", - دەلىنگەن رەسمي حابارلامادا.
بۇعان دەيىن ماڭعىستاۋ وبلىسىندا اسكەري وقۋ-جاتتىعۋ كەزىندە وقۋ-جاۋىنگەرلىك مىندەتتەردى ورىنداۋ بارىسىندا اسكەري قىزمەتشىلەر قازا بولعان ەدى.
وقيعادان كەيىن قورعانىس ءمينيسترى داۋرەن قوسانوۆ قازا تاپقان اسكەري قىزمەتشىلەردىڭ وتباسىلارىنا بارىپ، تۋعان-تۋىستارى مەن جاقىندارىنا كوڭىل ايتتى.
قايعىلى جاعدايعا بايلانىستى تەرگەۋ امالدارى جۇرگىزىلىپ، اسكەري قىزمەتشىلەردىڭ قازا بولۋ سەبەپتەرى مەن وقيعانىڭ ءمان-جايى انىقتالىپ جاتىر.
