سەۋلدەگى قۇرىلىس الاڭىندا قازاقستان ازاماتى قازا تاپتى. اقپاراتتى سىرتقى ىستەر مينيسترلىگى راستادى، دەپ حابارلايدى «ادىرنا» ءتىلشىسى.
قايعىلى وقيعا 29 قىركۇيەكتە بولعان. ءسىم مالىمەتىنشە، قازاقستاندىق جازاتايىم وقيعا سالدارىنان كوز جۇمعان.
«قازىرگى ۋاقىتتا كورەيا رەسپۋبليكاسىنىڭ قۇزىرلى ورگاندارى وقيعانىڭ ءمان-جايىن انىقتاۋ ءۇشىن تەرگەۋ جۇمىستارىن باستادى. قازاقستاندىق ديپلوماتتار مارقۇمنىڭ تۋىستارىمەن بايلانىس ورناتىپ، ولارعا كونسۋلدىق-قۇقىقتىق كومەك كورسەتىپ جاتىر»،– دەلىنگەن حابارلامادا.
وڭتۇستىك كورەيا دەرەكتەرىنە سايكەس، قايعىلى جاعداي 29 قىركۇيەكتە تاڭعى ساعات 09:45 شاماسىندا سەۋلدىڭ وڭتۇستىگىندەگى سوچو اۋدانىندا بولعان. 23-قاباتتا تۇرعان ەر ازاماتتىڭ ۇستىنە بەتون بولىگى قۇلاعان. نىساننىڭ باس مەردىگەرى — Hyundai Engineering & Construction كومپانياسى.
