حالىقارالىق قارتتار كۇنىنە وراي شىمكەنت قالاسىنىڭ اكىمى عابيت سىزدىقبەكوۆ اعا بۋىن وكىلدەرىنىڭ شاڭىراقتارىنا بارىپ، مەرەكەمەن قۇتتىقتادى. قالا اكىمى راحماتۋللا ماۋلەنوۆ، وركەن ابدىرەەۆ، شاكي كۇلماجيتوۆ جانە ءسابيت رۇستەموۆتىڭ ۇيلەرىندە بولدى.
كەزدەسۋ بارىسىندا قاريالار وزدەرىنىڭ ەستەلىكتەرىن ءبولىسىپ، ەڭبەك جولدارى مەن وتباسىلىق داستۇرلەرى تۋرالى اڭگىمەلەدى. قالا اكىمى ارداگەرلەردىڭ كوپ جىلعى ەڭبەگى مەن شىمكەنتتىڭ دامۋىنا قوسقان ۇلەسىنە العىسىن ءبىلدىرىپ، ەستەلىك سىيلىقتار تابىستادى، سونداي-اق، زور دەنساۋلىق، ۇزاق عۇمىر مەن باق-بەرەكە جانە جان تىنىشتىعىن تىلەدى.
ايتا كەتەيىك، بۇگىندە شىمكەنتتە 105 مىڭنان استام زەينەتكەر تۇرادى. ولارعا ارناپ ءومىر ءسۇرۋ ساپاسىن ارتتىرۋعا، دەنساۋلىعىن نىعايتۋعا جانە بەلسەندى ءومىر سالتىن ۇستانۋعا باعىتتالعان ءتۇرلى الەۋمەتتىك قولداۋ شارالارى قاراستىرىلعان.
حالىقارالىق قارتتار كۇنىنە وراي شىمكەنتتە جاسى 70-تەن اسقان 29 841 تۇرعىنعا 3 اەك مولشەرىندە بىرجولعى كومەك كورسەتىلدى. سونداي-اق، 80 جاستان اسقان جالعىزباستى 101 قارياعا اي سايىن 2 اەك كولەمىندە الەۋمەتتىك تولەم بەرىلەدى.
بيىل ساناتوري-كۋرورتتىق جولدامامەن 8 735 ادامدى قامتۋ جوسپارلانىپ، سونىڭ ىشىندە 5 090 ادام قامتاماسىز ەتىلدى. «بەلسەندى ۇزاق ءومىر ءسۇرۋ» ورتالىعىنىڭ ءتورت بولىمشەسىندە كۇن سايىن 800-دەن استام زەينەتكەر ءتۇرلى ءىس-شارالارعا قاتىسادى. ولار ءۇشىن سپورتتىق، شىعارماشىلىق جانە ساۋىقتىرۋ باعىتىنداعى ساباقتار ۇيىمداستىرىلعان.
70 جاستان اسقان تۇرعىندار قوعامدىق كولىكتە تەگىن جۇرەدى. سونىمەن قاتار قاريالارعا تەاترلارعا، مۋزەيلەرگە، حايۋاناتتار باعىنا جانە دەندروساياباققا تەگىن بارۋ قاراستىرىلعان.
