“ماماندىعىن اۋىستىرىپ بەرەمىن”: شىمكەنت تۇرعىنى الاياققا سەنىپ، 550 مىڭ تەڭگەسىنەن ايىرىلدى

3520
Adyrna.kz Telegram
https://adyrna.kz/content/uploads/2022/12/1668783976_34e2dfa83af45d40fe92342dc837227d_xl.jpg

شىمكەنت قالاسى، ءال-فارابي اۋدانىنىڭ پوليتسيا باسقارماسىنا جەرگىلىكتى تۇرعىن ارىزداندى. ونىڭ ايتۋىنشا، ەكى جىلدان بەرگى تانىسى شىمكەنت قالاسىنداعى وقۋ ورىندارىنىڭ بىرىندە وقيتىن تۋعان ءسىڭلىسىنىڭ ماماندىعىن باسقا فاكۋلتەتكە اۋىستىرىپ بەرەتىنىنىن ايتقان. اقىرىندا ابدەن سەنىمىنە كىرىپ، ءسىڭىلىسىنىڭ ماماندىعىن اۋىستىرۋ ءۇشىن الاياقتىق جولمەن 550 000 (بەس ءجۇز ەلۋ مىڭ) تەڭگە العان.  كەيىننەن جالتارىپ، ارىز يەسىنىڭ قارجىسىن قايتارماعان، دەپ حابارلايدى "ادىرنا" ۇلتتىق پورتالى.

پوليتسيا قىزمەتكەرلەرى حابارلامانى العان بويدا، شۇعىل ىزدەستىرۋ جۇمىستارىن جۇرگىزدى. ناتيجەسىندە، كۇدىكتىنىڭ جەكە باسى انىقتالىپ، تاۋلىك ىشىندە قالا اۋماعىندا قولعا ءتۇستى. جاسى – 41-دە، جۇمىسسىز.
تەرگەۋ كەزىندە بەلگىلى بولعانداي، ۇستالعان ازاماتشا زاڭسىز ارەكەتكە قارجى تاپشىلىعىنان بارعان. جانە ءوز كىناسىن تولىقتاي مويىنداپ، بۇل ءۇشىن وكىنەتىنىن جەتكىزدى.
قازىرگى كەزدە كۇدىكتىنىڭ وسىعان ۇقساس باسقا دا الاياقتىق جايتتارىنا قاتىسى بار-جوعى انىقتالۋدا. تەرگەۋ امالدارى جالعاسىپ جاتىر.
"ادىرنا" ۇلتتىق پورتالى
پىكىرلەر