Şymkent qalasy, Äl-Farabi audanynyŋ polisiia basqarmasyna jergılıktı tūrǧyn aryzdandy. Onyŋ aituynşa, ekı jyldan bergı tanysy Şymkent qalasyndaǧy oqu oryndarynyŋ bırınde oqityn tuǧan sıŋlısınıŋ mamandyǧyn basqa fakultetke auystyryp beretınının aitqan. Aqyrynda äbden senımıne kırıp, sıŋılısınıŋ mamandyǧyn auystyru üşın alaiaqtyq jolmen 550 000 (bes jüz elu myŋ) teŋge alǧan. Keiınnen jaltaryp, aryz iesınıŋ qarjysyn qaitarmaǧan, dep habarlaidy "Adyrna" ūlttyq portaly.
Atalǧan jait QR QK-tıŋ 190-baby 1-bölıgı (Alaiaqtyq) boiynşa sotqa deiıngı tergep-tekserudıŋ bıryŋǧai tızımıne tırkeldı.
Polisiia qyzmetkerlerı habarlamany alǧan boida, şūǧyl ızdestıru jūmystaryn jürgızdı. Nätijesınde, küdıktınıŋ jeke basy anyqtalyp, täulık ışınde qala aumaǧynda qolǧa tüstı. Jasy – 41-de, jūmyssyz.
Tergeu kezınde belgılı bolǧandai, ūstalǧan azamatşa zaŋsyz äreketke qarjy tapşylyǧynan barǧan. Jäne öz kınäsın tolyqtai moiyndap, būl üşın ökınetının jetkızdı.
Qazırgı kezde küdıktınıŋ osyǧan ūqsas basqa da alaiaqtyq jaittaryna qatysy bar-joǧy anyqtaluda. Tergeu amaldary jalǧasyp jatyr.
"Adyrna" ūlttyq portaly
Ūqsas jaŋalyqtar
