ىستانبۇلدىڭ مالتەپە اۋدانىندا التى قاباتتى تۇرعىن ءۇي وپىرىلىپ قۇلادى. الدىن الا مالىمەت بويىنشا، ءۇيىندى استىندا ادامدار بولۋى مۇمكىن. بۇل تۋرالى 8 قازاندا TRT Haber جازدى، دەپ حابارلايدى «ادىرنا» ءتىلشىسى.
عيمارات قۇلاعاننان كەيىن وقيعا ورنىنا قۇتقارۋ جانە جەدەل قىزمەتتەر دەرەۋ جىبەرىلگەن. ماماندار ىزدەستىرۋ-قۇتقارۋ وپەراتسياسىن باستاپ كەتكەن.
قازىرگى ۋاقىتتا قۇتقارۋشىلار اۋماقتى تەكسەرىپ، قيراندىلار استىندا ادامداردىڭ بار-جوعىن انىقتاۋعا تىرىسۋدا. ىزدەستىرۋ-قۇتقارۋ جۇمىستارى جالعاسىپ جاتىر.
ازىرگە قازا تاپقاندار مەن زارداپ شەككەندەر تۋرالى رەسمي اقپارات جاريالانعان جوق. عيماراتتىڭ قۇلاۋ سەبەپتەرى دە ءالى انىقتالعان جوق. وقيعاعا قاتىستى جاڭا مالىمەتتەر جۇمىستاردىڭ ناتيجەسىنە قاراي بەلگىلى بولادى.
ۇقساس جاڭالىقتار
