بەلگىلى اقىن جاننا ەلەۋسىز 56 جاسقا قاراعان شاعىندا دۇنيەدەن وزدى. قارالى حاباردى قازاقستان جازۋشىلار وداعىنىڭ ءباسپاسوز قىزمەتى جەتكىزدى، دەپ حابارلايدى «ادىرنا» ءتىلشىسى.
«قازاقستان جازۋشىلار وداعى مارقۇمنىڭ تۋعان-تۋىستارى مەن جاقىندارىنا، قالىڭ وقىرمان قاۋىمعا كوڭىل ايتادى»،– دەلىنگەن حابارلامادا.
جاننا ەلەۋسىز 1970 جىلى 22 قاراشادا دۇنيەگە كەلگەن. 1992 جىلى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن تامامداعان. اۋداندىق «شالقار» گازەتىندە ءتىلشى بولىپ جۇمىس ىستەگەن. 1995 جىلى ۇلى ابايدىڭ 150 جىلدىعىنا ارنالعان ءمۇشايرانىڭ جۇلدەگەرى اتانعان.
2004 جىلى «مەن سۇيەتىن دۇنيە»، 2011 جىلى «تىرشىلىك تريلوگياسى» اتتى كىتاپتارى جارىققا شىققان. سونداي-اق ولەڭدەرى «جادىگەر» اتتى اقتوبە ءوڭىرىنىڭ ادەبي انتولوگياسىنا، «اقتوبە كىتاپحاناسى» سەرياسىمەن شىققان جەرگىلىكتى قالامگەرلەردىڭ 50 تومدىعىنا ەنگەن.
