تۇركىستان وبلىسى، جەتىساي اۋدانىنىڭ العاباس اۋىلىندا بولعان جويقىن ءورتتىڭ سالدارى اۋىر بولىپ جاتىر. بۇعان دەيىن 12 ادامنىڭ، سونىڭ ىشىندە 9 بالانىڭ قازا تاپقانى حابارلانعان ەدى. بۇگىن تاعى ءبىر زارداپ شەككەن 7 جاستاعى قىز بالا اۋرۋحانادا كوز جۇمدى. وسىلايشا، قازا بولعان بالالار سانى 10-عا جەتتى، دەپ حابارلايدى "ادىرنا".
ول جەتىسايدان تىكۇشاقپەن وبلىستىق بالالار اۋرۋحاناسىنا جەتكىزىلگەن. دارىگەرلەر قولدان كەلگەننىڭ ءبارىن جاساعانىمەن، ءبۇلدىرشىننىڭ ءومىرىن ساقتاپ قالۋ مۇمكىن بولمادى. ونىڭ دەنەسى اۋىلىنا جەتكىزىلىپ، بۇگىن جەر قوينىنا تاپسىرىلدى.
ەسكە سالايىق، قايعىلى وقيعا 18 قاراشا كۇنى تاڭەرتەڭ بولعان. كورشىلەردىڭ ايتۋىنشا، وتباسىندا الدىڭعى كۇنى شاعىن جيىن ءوتىپ، ۇيدە تۋىستار قوناقتاپ قالعان. تاڭسارىدە ءۇيدى ءورت شارپىعان. سالدارىنان 12 ادام وقيعا ورنىندا قازا بولعان ەدى.
@ztb_qazaq
