فوتو: Almaty.tv
شىمكەنتتە كارىز جەلىسىن تارتقان مەردىگەر جولدى ءبۇلدىرىپ، قۇدىقتاردى اشىق قالدىرعان، دەپ حابارلايدى “ادىرنا” Almaty.tv-گە سىلتەپ.
مانشۇك مامەتوۆا كوشەسىندەگى قازىلعان جول تۇرعىندارعا قيىندىق تۋعىزعان. اسىرەسە، مەكتەپتەن قاراڭعىدا قايتاتىن بالالاردىڭ اشىق قۇدىققا ءتۇسىپ كەتۋ قاۋپى اتا-انالاردى الاڭداتقان. جولدىڭ ويىلىپ، تەگىستەلمەۋى قارتتاردىڭ ءجۇرىپ-تۇرۋىنا دا كەدەرگى كەلتىرگەن.
تۇرعىندار ماسەلەنى باق-قا جاريالاعان سوڭ مەردىگەر جۇمىستى جەدەلدەتىپ، ءبىر كۇن ىشىندە اشىق قۇدىقتاردى جاۋىپ، جولدى تەگىستەگەن.
شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ مالىمەتىنشە، ترانشەيالاردى كومۋ جانە اۋماقتى قالپىنا كەلتىرۋ جۇمىستارى جۇرگىزىلىپ، انىقتالعان كەمشىلىكتەر جويىلعان. قازىر تۇرعىنداردىڭ قاۋىپسىز ءجۇرىپ-تۇرۋىنا جاعداي جاسالعان.
