Foto: Almaty.tv
Şymkentte kärız jelısın tartqan merdıger joldy büldırıp, qūdyqtardy aşyq qaldyrǧan, dep habarlaidy “Adyrna” Almaty.tv-ge sıltep.
Mänşük Mämetova köşesındegı qazylǧan jol tūrǧyndarǧa qiyndyq tuǧyzǧan. Äsırese, mektepten qaraŋǧyda qaitatyn balalardyŋ aşyq qūdyqqa tüsıp ketu qaupı ata-analardy alaŋdatqan. Joldyŋ oiylyp, tegıstelmeuı qarttardyŋ jürıp-tūruyna da kedergı keltırgen.
Tūrǧyndar mäselenı BAQ-qa jariialaǧan soŋ merdıger jūmysty jedeldetıp, bır kün ışınde aşyq qūdyqtardy jauyp, joldy tegıstegen.
Şymkent qalasynyŋ energetika jäne infraqūrylymdy damytu basqarmasynyŋ mälımetınşe, tranşeialardy kömu jäne aumaqty qalpyna keltıru jūmystary jürgızılıp, anyqtalǧan kemşılıkter joiylǧan. Qazır tūrǧyndardyŋ qauıpsız jürıp-tūruyna jaǧdai jasalǧan.
