فوتو: Istockphoto.com
وسكەمەن تۇرعىندارىنىڭ ونەركاسىپتىك ايماقتاعى اۋانىڭ لاستانۋىنا قاتىستى بىرنەشە مارتە شاعىمدانۋىنان كەيىن ەكولوگتار «كازتسينك» كاسىپورنىنا جوسپاردان تىس تەكسەرۋ جۇرگىزدى. تەكسەرۋ بارىسىندا اتموسفەراعا زياندى زاتتاردىڭ شامادان تىس شىعارىلعانى بەلگىلى بولدى، دەپ حابارلايدى "ادىرنا".
شىعىس قازاقستان وبلىسىنىڭ ەكولوگيا دەپارتامەنتى 2026 جىلعى 15 قازاندا «كازتسينك» جشس-ءنىڭ وسكەمەن مەتاللۋرگيالىق كەشەنىندەگى تەكسەرۋ جۇمىستارى اياقتالعانىن مالىمدەدى. زەرتحانالىق تالداۋ ناتيجەلەرى كاسىپورىننان شىعاتىن لاستاۋشى زاتتاردىڭ مولشەرى بەلگىلەنگەن نورماتيۆتەردەن اسىپ كەتكەنىن كورسەتتى.
ۆەدومستۆونىڭ مالىمەتىنشە، بۇعان گاز تازارتۋ قوندىرعىلارىنىڭ ءبىر بولىگىن پايدالانۋ كەزىندە جىبەرىلگەن كەمشىلىكتەر سەبەپ بولعان. سونىڭ سالدارىنان وندىرىستىك گازدار جوبادا قاراستىرىلعان تالاپتارعا ساي تولىق تازارتىلماعان.
تەكسەرۋ ناتيجەسىندە كاسىپورىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 328 جانە 331-باپتارى بويىنشا اكىمشىلىك جاۋاپكەرشىلىككە تارتىلدى. سونىمەن قاتار انىقتالعان زاڭبۇزۋشىلىقتاردى جويۋ جونىندە ءتيىستى نۇسقاما بەرىلدى.
