فوتو: جولت سيگەتۆاري / MTI
ۆەنگريانىڭ قۇقىق قورعاۋ ورگاندارى بۇرىنعى ەكونوميكا ءمينيسترى ءارى ەلدىڭ ۇلتتىق بانكىنىڭ ەكس-توراعاسى ديورد ءماتولچيدى سىبايلاس جەمقورلىق قىلمىستارىنا قاتىسى بار دەگەن كۇدىكپەن ۇستادى. بۇل تۋرالى ۆەنگريانىڭ پرەمەر-ءمينيسترى پەتەر ماديار مالىمدەدى، دەپ حابارلايدى “ادىرنا”.
ول بۇعان دەيىن دە ءماتولچيدى جاۋاپقا تارتۋ قاجەتتىگىن بىرنەشە رەت كوتەرگەن.
«ورتالىق تەرگەۋ پروكۋراتۋراسى ۆەنگريا ۇلتتىق بانكىنىڭ بۇرىنعى توراعاسى ءارى ۆيكتور وربان ۇكىمەتىندە مينيستر بولعان ديورد ءماتولچيدى ۇستادى»، – دەپ جازدى ماديار Facebook پاراقشاسىندا.
بۇعان دەيىن ۆەنگريانىڭ بۇقارالىق اقپارات قۇرالدارىندا ءماتولچيدىڭ سىبايلاس جەمقورلىققا قاتىستى بولۋى مۇمكىن ەكەنى تۋرالى بىرنەشە رەت اقپارات تاراعان. اتاپ ايتقاندا، ەلدىڭ ۇلتتىق بانكى زاڭ تالاپتارىن بۇزا وتىرىپ قۇرعان ارنايى قوردىڭ قاراجاتىن ماقساتسىز پايدالانۋ دەرەكتەرى ءسوز بولعان.
