رەسپۋبليكا كۇنى قارساڭىندا شىمكەنت قالاسىنداعى نۇرلىباەۆ كوشەسى، №22 توزىعى جەتكەن ۇيدە تۇرعان 7 وتباسى جاڭا پاتەرلەردىڭ كىلتىنە يە بولدى.
قونىس اۋدارۋ كوكساي شاعىناۋدانىن جاڭارتۋ تۇجىرىمداماسىنىڭ ءبىر كەزەڭى سانالاتىن رەنوۆاتسيا باعدارلاماسى اياسىندا جۇزەگە اسىرىلۋدا.
ايتا كەتەيىك، تۇجىرىمداما ىسكە اسىرىلا باستاعاننان بۇگىنگە دەيىن 135 وتباسى جاڭا باسپاناعا قول جەتكىزدى. پاتەرلەر Shymkent City جانە تۇران شاعىناۋداندارىنداعى تۇرعىن ءۇي كەشەندەرىنەن بەرىلىپ وتىر.
جاڭا پاتەرلەر تولىق ارلەنگەن جانە قونىستانۋعا دايىن. تۇرعىنداردى باسپانامەن قامتاماسىز ەتۋ كەزىندە بۇرىنعى پاتەرلەرىنىڭ اۋدانى مەن بولمە سانى ەسكەرىلەدى.
پاتەر كىلتتەرىن تابىستاۋ راسىمىنە قالا اكىمى عابيت سىزدىقبەكوۆ قاتىستى. شاھار باسشىسى وتباسىلاردى ماڭىزدى وقيعامەن قۇتتىقتاپ، جاڭا قونىستارىندا اماندىق، وتباسىلىق بەرەكە مەن جىلۋلىق تىلەدى.
ەسكە سالايىق، كوكساي اۋماعىن جاڭارتۋ تۇجىرىمداماسى باسپانا قورىن كەزەڭ-كەزەڭىمەن جاڭارتۋدى عانا ەمەس، ينجەنەرلىك ينفراقۇرىلىمدى دامىتۋدى جانە قوعامدىق كەڭىستىكتەردى اباتتاندىرۋدى دا كوزدەيدى. تۇرعىنداردى كوشىرۋ – اۋماقتى جاڭارتۋ مەن قالا تۇرعىندارىنىڭ ءومىر ءسۇرۋ ساپاسىن جاقسارتۋعا باعىتتالعان وسى وزگەرىستەردىڭ ماڭىزدى بولىگى.
