عىلىم جانە جوعارى ءبىلىم ءمينيسترى ساياسات نۇربەك International Academy of Medicine and Sciences (حالىقارالىق مەديتسينا جانە عىلىم اكادەمياسى) وكىلدەرىمەن كەزدەستى.
اكادەميانىڭ باس ديرەكتورى نادجحاۆان رۋپال الماتىدا قوس ديپلومدىق (قازاقستان-ءۇندىستان) باعدارلامامەن وقىتاتىن اقپاراتتىق تەحنولوگيالار ۋنيۆەرسيتەتىن اشۋدى ۇسىندى. سونداي-اق، مەديتسينا، فارماتسەۆتيكا جانە بيوتەحنولوگيا باعىتىندا دا ءبىلىم بەرۋدى جوسپارلاپ وتىرعاندارىن ايتتى. بۇدان بولەك ەلىمىزدە ەمحانا مەن فارماتسەۆتيكالىق زاۋىتتار سالماق.
ءوز كەزەگىندە مينيستر ساياسات نۇربەك حالىقارالىق اكادەميا باسشىسىنا وقۋ ورنىن اشۋ، تىركەۋ جولدارىن ايتىپ، مينيسترلىك تاراپىنان ارىپتەستىك بايلانىس ورناتۋعا ءازىر ەكەنىن جەتكىزدى. ودان بولەك ستۋدەنتتەرگە ارنالعان جاتاقحانا سالۋ قاجەتتىگىن دە ەسكەرتتى.
"ادىرنا" ۇلتتىق پورتالى
