اقتوبە وبلىسىندا جول-كولىك اپاتى بولىپ، 5 ادام قازا تاپتى، دەپ حابارلايدى «ادىرنا» ءتىلشىسى.
قايعىلى وقيعا 21 تامىز كۇنى ساعات 12:30-دا تەمىر اۋدانىنا قاراستى “پوكروۆكا – جاڭاجول” اۆتوجولىنىڭ 54-ءشى شاقىرىمىندا بولعان.
«قاندىاعاش قالاسىنان كەڭكياق اۋىلى باعىتىندا Lada Largus اۆتوكولىگى اۋدارىلىپ قالدى. جكو سالدارىنان اۆتوكولىك قۇرالىن باسقارعان 40 جاستاعى ايەل جانە ءۇش جولاۋشى (ونىڭ ىشىندە ءبىر بالا) وقيعا ورنىندا، تاعى ءبىر جولاۋشى اۋرۋحانادا كوز جۇمدى. سونىمەن قاتار بەس ادام (ونىڭ ىشىندە ۇشەۋى بالا) كەڭكياق اۋرۋحاناسىنا جاتقىزىلدى»،– دەلىنگەن حابارلامادا.
