2023-2025 جىلدارعا ارنالعان رەسپۋبليكالىق بيۋدجەت تۋرالى زاڭ جوباسى جاريالاندى، دەپ حابارلايدى «ادىرنا» ءتىلشىسى.
2023 جىلعى 1 قاڭتاردان باستاپ تومەندەگىدەي وزگەرىستەر كۇتىلىپ وتىر:
ەڭ تومەنگى جالاقى 60 000 تەڭگە; ايلىق ەسەپتىك كورسەتكىش (اەك) – 3 450 تەڭگە (جاردەماقىلاردى جانە باسقا دا الەۋمەتتىك تولەمدەردى ەسەپتەۋ، سونداي-اق ءوسىمپۇلداردى، سالىقتاردى جانە باسقا دا تولەمدەردى قولدانۋ ءۇشىن); مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 21 907 تەڭگە; ەڭ تومەنگى زەينەتاقى – 53 076 تەڭگە; بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيى – 40 567 تەڭگە.«جاسىنا بايلانىستى زەينەتاقى تولەمدەرىنە جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2023 جىلعى 1 قاڭتاردان باستاپ ولاردىڭ مولشەرلەرىن 10,5 پايىزعا كوتەرۋ ەسكەرىلە وتىرىپ كوزدەلگەن دەپ بەلگىلەنسىن. 2023 جىلعى 1 قاڭتاردان باستاپ الەۋمەتتىك مەديتسينالىق ساقتاندىرۋ قورىنا تولەۋگە جاتاتىن مىندەتتى الەۋمەتتىك مەديتسينالىق ساقتاندىرۋعا مەملەكەت جارنالارىنىڭ مولشەرى مەملەكەت جارنالارىن ەسەپتەۋ وبەكتىسىنەن 1,8 پايىز بولىپ بەلگiلەنسiن»،- دەلىنگەن قۇجاتتا. ايتا كەتەيىك، زاڭ جوباسى 2022 جىلعى 8 قىركۇيەككە دەيىن قوعامدىق تالقىلاۋ ءۇشىن اشىق نقا ۆەب-سايتىندا ورنالاستىرىلدى.
