قاراعاندى وبلىسىندا جول اپاتىنان ءبۇتىن ءبىر وتباسى تۇگەل قايتىس بولدى. كولىكتە ەرلى-زايىپتىلار جانە ولاردىڭ ءۇش بالاسى بولعان. ءبىر بالا اۋرۋحانادا جاتىر، - دەپ حابارلايدى "ادىرنا" ءتىلشىسى Polisia.kz Telegram ارناسىنا سىلتەمە جاساپ.
وقيعا 26 تامىزدا تۇنگى ساعات 23:00 شاماسىندا بالقاش-پريوزەرسك تاس جولىندا بولعان. وپەل-ۆەكترا كولىگىنىڭ 35 جاستاعى جۇرگىزۋشىسى، گۇلشات اۋىلىنان 23 شاقىرىم جەردەگى قايتا جوندەۋدەن وتكەن جابىق جولعا شىعىپ كەتكەن. وندا ەسكەرتۋ بەلگىلەرى بار ەكەنى اتاپ ءوتىلدى.
"جۇرگىزۋشى 25 جاستاعى جۇرگىزۋشى باسقارعان Hovo كولىگىمەن بەتپە-بەت سوقتىعىستى. جول-كولىك وقيعاسى سالدارىنان جۇرگىزۋشى مەن ونىڭ 30 جاستاعى ايەلى، سونداي-اق ولاردىڭ ءۇش كامەلەتكە تولماعانى بالالارى وقيعا ورنىندا قازا تاپتى. ءبىر بالا مەديتسينالىق مەكەمەگە جەتكىزىلدى»، - دەدى قاراعاندى وبلىسى ءىىد جەرگىلىكتى پوليتسيا قىزمەتى دەپارتامەنتىنىڭ باستىعى، پوليتسيا پولكوۆنيگى قۋانىش زارۋباەۆ.
فاكتى پوليتسيادا تىركەلىپ، ءتيىستى ساراپتامالار تاعايىندالدى، ونىڭ قورىتىندىسى بويىنشا پروتسەسسۋالدىق شەشىم قابىلدانادى.
«جۇرگىزۋشىلەر پوليتسيانىڭ جول قوزعالىسى ەرەجەلەرىن ساقتاۋ تۋرالى ەسكەرتۋلەرىنە ءمان بەرمەۋدە»، - دەپ تولىقتىردى ۆەدومستۆو.
