اقجار شەكارا بەكەتىندە 10 تامىز كۇنى الماتى قالاسى ىشكى ساياسات باسقارماسىنىڭ قولداۋىمەن قولعا الىنعان «ازاماتتىق بورىش» جوباسى اياسىندا بولات قۇرامىسوۆ، قايىربەك امانقوس سىندى اۋعان سوعىسىنىڭ ارداگەرلەرىمەن كەزدەسۋ ءوتتى. ارداگەرلەر: «اۋعان سوعىسى جىلدارى كەڭەس ۇكىمەتىنىڭ دۇرىس شەشىم قابىلداۋىنىڭ ناتيجەسىندە مىڭداعان جاس سارباز تۋعان جەرىنە ورالىپ، بەيبىت ەڭبەككە ارالاستى. سول باقىتتى جانداردىڭ ءبىرى – وزدەرىڭىزسىزدەر. بۇل قاندى سوعىستا مىنا وتىرعان سىزدەر، اتا-بابالارىمىزدىڭ رۋحىن اسقاقتاتتىڭىزدار» - دەپ باستادى اگىمەنىڭ ءالحيسساسىن. 9 جىل 10 ايعا سوزىلعان سوعىسقا قازاقستاننان 22000 ادام قاتىستى. ونىڭ 780-ءى قۇربان بولدى جانە ءبىرازى ءىز-ءتۇسسىز جوعالدى.
بولات قۇرامىسوۆ, اۋعان سوعىسى ارداگەرى: سوعىستىڭ ۇلكەن — كىشىسى بولمايدى. ءار سوعىستىڭ ءوز قاسىرەتى بار. اۋعان سوعىسىنا كەلەتىن بولساق، بۇل سوعىستىڭ زاردابى سول كەزدە كوپتەگەن شاڭىراقتى شايقالتتى. وندىردەي جاستار وققا ۇشىپ تەمىر تابىتپەن ورالدى. بۇگىنگى تاڭداعى ەلىمىزدىڭ وسكەنىن، قارىشتاپ دامىعانىن كورە المادى. ال اينالايىندار، وتپەن وقتىڭ ورتاسىنان امان-ساۋ كەلگەن سەندەرگە تەك جاقسىلىق پەن ساتتىلىك تىلەيمىن! – دەدى.
وسىلايشا، جاستاردىڭ ساۋالىنا جاۋاپ بەرىپ، ەمەن-جارقىن اڭگىمە وربىتكەن ارداگەرلەردىڭ بۇگىندە سانى كەمىپ، ورتامىزدان ازايىپ بارادى. ەل بولىپ قادىرلەپ، كەلەر 30 جىلدىقتى ىجداعاتتىلىقپەن كۇتىپ الۋعا ءتيىسپىز.
