Aqjar şekara beketınde 10 tamyz künı Almaty qalasy Işkı saiasat basqarmasynyŋ qoldauymen qolǧa alynǧan «Azamattyq boryş» jobasy aiasynda Bolat Qūramysov, Qaiyrbek Amanqos syndy Auǧan soǧysynyŋ ardagerlerımen kezdesu öttı. Ardagerler: «Auǧan soǧysy jyldary Keŋes ükımetınıŋ dūrys şeşım qabyldauynyŋ natijesınde myŋdaǧan jas sarbaz tuǧan jerıne oralyp, beibıt eŋbekke aralasty. Sol baqytty jandardyŋ bırı – özderıŋızsızder. Būl qandy soǧysta myna otyrǧan sızder, ata-babalarymyzdyŋ ruhyn asqaqtattyŋyzdar» - dep bastady ägımenıŋ älhissasyn. 9 jyl 10 aiǧa sozylǧan soǧysqa Qazaqstannan 22000 adam qatysty. Onyŋ 780-ı qūrban boldy jäne bırazy ız-tüssız joǧaldy.
Bolat Qūramysov, Auǧan soǧysy ardagerı: Soǧystyŋ ülken — kışısı bolmaidy. Är soǧystyŋ öz qasıretı bar. Auǧan soǧysyna keletın bolsaq, būl soǧystyŋ zardaby sol kezde köptegen şaŋyraqty şaiqaltty. Öndırdei jastar oqqa ūşyp temır tabytpen oraldy. Bügıngı taŋdaǧy elımızdıŋ öskenın, qaryştap damyǧanyn köre almady. Al ainalaiyndar, otpen oqtyŋ ortasynan aman-sau kelgen senderge tek jaqsylyq pen sättılık tıleimın! – dedı.
Osylaişa, jastardyŋ saualyna jauap berıp, emen-jarqyn äŋgıme örbıtken ardagerlerdıŋ bügınde sany kemıp, ortamyzdan azaiyp barady. El bolyp qadırlep, keler 30 jyldyqty yjdaǧattylyqpen kütıp aluǧa tiıspız.
