الماتى قالاسىنىڭ جامبىل اتىنداعى جاستار كىتاپحاناسىندا اۋعان سوعىسى ارداگەرلەرىمەن دوڭگەلەك ۇستەل ءوتتى. بۇل جيىلىسقا دارىباەۆ مەيرامبەك، قۇرامىسوۆ بولات، بايمولدينوۆ سەرىكباي، قۇنانباەۆ جۇمات، مۋلينوۆ باقىت، تىلەگەنوۆ مارات جانە داركەمباەۆ بايداۋلەت، ارعىنبەك ەسىمحانۇلى قاتىستى. كىتاپحانا وقىرماندارى ستۋدەنتتەر قوناقتاردىڭ سوزدەرىن زەر سالا تىڭدادى.
قوناقتار بىرىنەن سوڭ ءبىرى ءار ازامات وتان الدىندا بورىشىن وتەۋى كەرەك ەكەنى تۋرالى ايتتى. وسى جولدا وزدەرىنىڭ اۋعان سوعىسىندا باستارىنان كەشكەن وقيعالارىن بايانداپ بەردى. بىردە ۇلكەن تاۋ شاتقالىندا تۇرعاندا اسكەري قۇراماعا ۇلكەن باسشى كەلىپتى. قايتارىندا ءبىر قۇراما ساربازدار الگى باسشىنى قورعاپ مارەلى جەرگە جەتكىزۋى ءتيىس ەكەن. سوندا جوعارى لاۋازىمدى سلاۆيان تەكتەس باسشى، بۇنشا كوپ اسكەردىڭ قاجەتى جوق، ماعان ون قازاق جىگىتىن بەرسەڭدەر بولدى دەپتى. وسىنداي وقيعالاردىڭ كوبىسى ايتىلعان وسى كەزدەسۋدە جاستار وزدەرىنىڭ قازاق ۇلتىنىڭ وكىلدەرى ەكەنىن ماقتانىش تۇتقانى كوزدەرىنەن كورىنىپ تۇردى. اۋعان سوعىس ارداگەرلەرى ايتقان سوزدەردەن كەيىن جاستاردىڭ بارلىعىنىڭ جۇزدەرىنەن وزدەرىنىڭ وتان الدىنداعى بورىشىن وتەۋدەن باس تارتپايتىنى انىق كورىنىپ تۇردى.
وسى دوڭگەلەك ۇستەل بارىسىندا اڭگىمە جۇيەلى تۇردە بۇگىنگى الەمدە بولىپ جاتقان سوعىستار مەن تەرروريستىك قيمىلدار تۋرالى ءوربىدى. ولاردىڭ بارلىعى دەرلىك ءدىني ەكسترەميزمنەن باستاۋ الاتىنى ايتىلدى.
شىنىندا دا قازىر وزدەرىن مۇسىلمانبىز دەيتىن، ۇستەرىن قارا كيىم كيىپ جۇرەتىن قىز-كەلىنشەكتەردىڭ ءىس-ارەكەتتەرى، قازاقتىڭ ءداستۇرلى ساقال قويۋ مادەنيەتىنەن تىپتەن الشاق قالاي بولسا سولاي ساقالىن قويا بەرەتىندەر، عالامتور ارقىلى ويىنا كەلگەنىن ايتىپ ۋاعىز جۇرگىزىپ جۇرگەندەر تۋرالى دا ايتىلدى.
بەيبىت ءومىر كەزىندە ادام ەڭ الدىمەن ءبىلىم الىپ وتانىنىڭ دامۋىنا ءوز ۇلەسىن قوسۋى كەرەك ەكەنى ايتىلىپ جاتتى.
جاستار دا ءوز كەزەگىندە كوتەرىلگەن تاقىرىپتار بويىنشا پىكىرلەرىن ءبىلدىردى. قازىرگى كەزدە كوپشىلىكتى الاڭداتىپ جۇرگەن وسىنداي ماسەلەلەر قىزۋ تالقىعا ءتۇستى.
اۋعان سوعىسىنىڭ ارداگەرلەرى ءبىراۋىزدان قازىر ءبىلىم مايدانى ءجۇرىپ جاتقانىن ايتتى. ءبىلىمدى جاستار ەرتەڭگى دامىعان ەلدىڭ نەگىزى ەكەنى باسا ايتىلدى.
جيىلىس سوڭىندا جاستار اۋعان سوعىسى ارداگەرلەرىمەن سۋرەتكە ءتۇستى. «ادىرنا» بىرلەستىگىنىڭ «ازاماتتىڭ بورىش» جوباسى اياسىندا وتكەن وسى دوڭگەلەك ۇستەل الماتى قالاسى ىشكى ىستەر باسقارماسى قولداۋىمەن ىسكە اسىپ جاتقان «ازاماتتىق بورىش» جوباسى اياسىندا ءوتتى.
