Almaty qalasynyń Jambyl atyndaǵy jastar kitaphanasynda Aýǵan soǵysy ardagerlerimen dóńgelek ústel ótti. Bul jıylysqa Dáribaev Meırambek, Quramysov Bolat, Baımoldınov Serikbaı, Qunanbaev Jumat, Mýlınov Baqyt, Tilegenov Marat jáne Dárkembaev Baıdáýlet, Arǵynbek Esimhanuly qatysty. Kitaphana oqyrmandary stýdentter qonaqtardyń sózderin zer sala tyńdady.
Qonaqtar birinen soń biri ár azamat Otan aldynda boryshyn óteýi kerek ekeni týraly aıtty. Osy jolda ózderiniń Aýǵan soǵysynda bastarynan keshken oqıǵalaryn baıandap berdi. Birde úlken taý shatqalynda turǵanda áskerı quramaǵa úlken basshy kelipti. Qaıtarynda bir qurama sarbazdar álgi basshyny qorǵap máreli jerge jetkizýi tıis eken. Sonda joǵary laýazymdy slavıan tektes basshy, bunsha kóp áskerdiń qajeti joq, maǵan on qazaq jigitin berseńder boldy depti. Osyndaı oqıǵalardyń kóbisi aıtylǵan osy kezdesýde jastar ózderiniń qazaq ultynyń ókilderi ekenin maqtanysh tutqany kózderinen kórinip turdy. Aýǵan soǵys ardagerleri aıtqan sózderden keıin jastardyń barlyǵynyń júzderinen ózderiniń Otan aldyndaǵy boryshyn óteýden bas tartpaıtyny anyq kórinip turdy.
Osy dóńgelek ústel barysynda áńgime júıeli túrde búgingi álemde bolyp jatqan soǵystar men terrorıstik qımyldar týraly órbidi. Olardyń barlyǵy derlik dinı ekstremızmnen bastaý alatyny aıtyldy.
Shynynda da qazir ózderin musylmanbyz deıtin, ústerin qara kıim kıip júretin qyz-kelinshekterdiń is-áreketteri, qazaqtyń dástúrli saqal qoıý mádenıetinen tipten alshaq qalaı bolsa solaı saqalyn qoıa beretinder, ǵalamtor arqyly oıyna kelgenin aıtyp ýaǵyz júrgizip júrgender týraly da aıtyldy.
Beıbit ómir kezinde adam eń aldymen bilim alyp Otanynyń damýyna óz úlesin qosýy kerek ekeni aıtylyp jatty.
Jastar da óz kezeginde kóterilgen taqyryptar boıynsha pikirlerin bildirdi. Qazirgi kezde kópshilikti alańdatyp júrgen osyndaı máseleler qyzý talqyǵa tústi.
Aýǵan soǵysynyń ardagerleri biraýyzdan qazir bilim maıdany júrip jatqanyn aıtty. Bilimdi jastar erteńgi damyǵan eldiń negizi ekeni basa aıtyldy.
Jıylys sońynda jastar Aýǵan soǵysy ardagerlerimen sýretke tústi. «Adyrna» birlestiginiń «Azamattyń borysh» jobasy aıasynda ótken osy dóńgelek ústel Almaty qalasy Ishki ister basqarmasy qoldaýymen iske asyp jatqan «Azamattyq borysh» jobasy aıasynda ótti.
