ء"بىزدىڭ عالىمدار ءازىربايجان ارحيۆىنەن ۇلت ۇستازى احمەت بايتۇرسىنۇلىنىڭ ۆيدەوسى بار تاسپا مەن بۇرىن جاريالانباعان فوتوسۋرەتىن ەلگە جەتكىزدى. بەينەتاسپادا 1926 جىلدىڭ 26 اقپانى مەن 5 ناۋرىزى ارالىعىندا ازەربايجان كسر-ندە وتكەن ءى بۇكىلوداقتىق تۇركولوگيا قۇرىلتايى (سەزد) بەينەلەنگەن. 8 مينۋتتىق ۆيدەودا احمەت بايتۇرسىنۇلى 6 رەت كورىنەدى. ءبىر قىزىعى سەزدە ءۇش وپەراتور جۇمىس ىستەگەن. ءبىزدىڭ عالىمدار تاۋىپ اكەلگەن ۆيدەودان بولەك، تاعى ەكى اپپاراتتىڭ تۇسىرگەن بەينەجازبالارى بولۋى مۇمكىن. ونى دا الداعى ۋاقىتتا تابۋدى مىندەت ەتىپ وتىر جاس عالىمدار", - دەپ جازدى ول.
ءمينيستردىڭ ايتۋىنشا، فوتوسۋرەت ءازىربايجان مەملەكەتتىك ونەر جانە مادەنيەت مۇراعاتىندا ىستەيتىن عالىم فارحاد اعزادانىڭ جەكە قورىنان العان.
ء"بىرىنشى تۇركولوگيالىق قۇرىلتايدا تۇسىرىلگەن سۋرەتتە احمەت بايتۇرسىنۇلى، ەلدەس ومارۇلى، ءبىلال سۇلەەۆتەر بار. وسى ەڭبەكتەرى ءۇشىن احمەت بايتۇرسىنۇلى اتىنداعى ءتىل ءبىلىمى ينستيتۋتى ديرەكتورىنىڭ ورىنباسارى، PhD ەرمۇحامەت مارالبەك پەن ونوماستيكا ءبولىمىنىڭ كىشى عىلىمي قىزمەتكەرى ارلەن سەيىتباتقاعا العىس ايتامىز", - دەپ جازدى ساياسات نۇربەك.
"ادىرنا" ۇلتتىق پورتالى
