Ult ustazy Ahmet Baıtursynulynyń fotosýreti men vıdeosy elge jetkizildi

3238
Adyrna.kz Telegram
Ult ustazy Ahmet Baıtursynulynyń 1926 jyly túsken vıdeosy men buryn jarııalanbaǵan fotosýreti elge jetkizildi, dep jazady "Adyrna" ulttyq portaly.
Bul aqjoltaı jańalyqty QR Ǵylym jáne joǵary bilim mınıstri Saıasat Nurbek óziniń feısbýk paraqshasynda habarlady.

"Bizdiń ǵalymdar Ázirbaıjan arhıvinen Ult Ustazy Ahmet Baıtursynulynyń vıdeosy bar taspa men buryn jarııalanbaǵan fotosýretin elge jetkizdi. Beınetaspada 1926 jyldyń 26 aqpany men 5 naýryzy aralyǵynda Ázerbaıjan KSR-nde ótken I búkilodaqtyq túrkologııa quryltaıy (sezd) beınelengen. 8 mınýttyq vıdeoda Ahmet Baıtursynuly 6 ret kórinedi. Bir qyzyǵy sezde úsh operator jumys istegen. Bizdiń ǵalymdar taýyp ákelgen vıdeodan bólek, taǵy eki apparattyń túsirgen beınejazbalary bolýy múmkin. Ony da aldaǵy ýaqytta tabýdy mindet etip otyr jas ǵalymdar", - dep jazdy ol.

Mınıstrdiń aıtýynsha, fotosýret Ázirbaıjan memlekettik óner jáne mádenıet muraǵatynda isteıtin ǵalym Farhad Aǵzadániń jeke qorynan alǵan.

"Birinshi túrkologııalyq quryltaıda túsirilgen sýrette Ahmet Baıtursynuly, Eldes Omaruly, Bilál Súleevter bar. Osy eńbekteri úshin Ahmet Baıtursynuly atyndaǵy Til bilimi ınstıtýty dırektorynyń orynbasary, PhD Ermuhamet Maralbek pen Onomastıka bóliminiń kishi ǵylymı qyzmetkeri Árlen Seıitbatqaǵa alǵys aıtamyz", - dep jazdy Saıasat Nurbek.

"Adyrna" ulttyq portaly 

Pikirler